Juan 5:29 - Manobo Sarangani

²⁹ Penga niyan, meantay dan lekat te nematay. Se otaw tapay mig-inang te mèpiya, yan se entayen amon eked dan palos todà kematay. Meneng se otaw tapay mig-inang te medaet, yan se otaw entayen amon ipelumun dan.”

Juan 5:29 ပူးပေါင်းရင်းမြစ်များ

Ininang 24:15

Onawa heman se egpelimanan ko aw menge otaw neopal kanak, so egpelimanan ko heman se peg-antay te Timanem te kedita te otaw lekat te nematay, pengkey otaw egpenimanem aw otaw kenà egpenimanem.

Luc. 14:14

Aw iling kenyan se otaw ipetanod no, ontò ka meluba, so eked dan keinang se ininang no diyà kandan. Meneng Timanem se memegay kamno te ontong te aldaw te peg-antay din lekat te nematay te kedita te otaw mig-inang te metòlid.”

1 Timoteo 6:18

Pegpunù ka te menge otaw meyaman te keilangan meg-inang dan te mèpiya diyà te menge doma otaw, so yan se ontò keyemanan. Keilangan meagka se pedowan dan megtabang te menge doma otaw.

Menge Hebreo 13:16

Ikà niyo heman egkelibel te keilangan mèpiya se eg-inangen niyo, aw keilangan megtabang kaw te doma niyo nelimahan, so meluba se Timanem kenyo pineokit kenyan.

1 Pedro 3:11

Keilangan lomengà sikandin meg-inang te medaet amon olò mèpiya se inangen din. Keilangan megpekeaseb sikandin megsebad te pedowan din diyà te doma otaw.

Menge Hebreo 10:27

Aw iling kenyan se inangen te otaw, detengan sikandin te ontò medaet pelumun te Timanem, so sonogen te Timanem se kedita te otaw mato kandin.