Juan 5:25 - Manobo Sarangani

²⁵ Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Juan 5:25 ပူးပေါင်းရင်းမြစ်များ

Luc. 15:24

Eden ko aw nematay den se batà ko seini, meneng neantay pa kedì. Netalon sikandin, meneng kinità.’ Penga niyan, migtebò dan se migpista.

Luc. 15:32

Meneng keilangan megpelelahay kidon aw megpelubahay kidon, so eden ko aw nematay den se adi no, meneng neantay pa kedì. Netalon sikandin, meneng kinità.’”

Luc. 9:60

Meneng minikagi si Jesus, “Mèpiya aw otaw wedad kaling pedowan se meglebeng te menge doma dan nematay. Meneng aw doen kaling pedowan no, keilangan megtoladà ka den te doma otaw tepad te peglowan te Timanem.”

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 17:1

Pegkepenga te peg-ikagi i Jesus diyà te menge tinoledaan din, limengag sikandin doton te langit aw migtawal-tawal, kagi din, “Amà, dimateng den se oras pinemallì nikaw. Pekitai te melangkaw se Batà nikaw, amon ipekità ko heman te melangkaw ka.

Juan 4:21

Minikagi si Jesus, “Penenalan ka kanak. Doen aldaw domateng aw kenà olò dini te bontod seini se simbahan te otaw, aw kenà olò heman doton te Jerusalem, meneng mepakay aw simbahen se Timanem Amay pengkey kenan.

Juan 4:23

Dimateng den se aldaw te keilangan melobos se pedowan te otaw megsimba kandin, aw keilangan ketegahan dan heman se kebenalan tepad kandin egsimbahen dan, so yan se ibeg te Timanem te megsimba se otaw kandin iling kenyan.

Juan 5:21

Eg-antay se Amay ko te otaw nematay, aw egpemegay kandan te kaling pedowan. Iling heman kenyan se inangen ko, so memegay a heman te kaling pedowan diyà te kedita te otaw pemellien ko.

Juan 5:28

Ikà niyo egkepela te kagi ko seini, so doen aldaw domateng aw domineg se kedita te otaw nematay te tawal ko kandan.

Juan 6:60

Pegdineg te menge tinoledaan i Jesus te intoladà din seini, medita kandan se migpebelaw-belaway, kagi dan, “Eked nael pemenali se intoladà din seini. Wedad besi palos otaw mekepemenal kenyan.”

Juan 8:43

Wedà niyo kelebeti se inikagi ko, so eked kaw keibeg menenalan te kebenalan itoladà ko.

Juan 8:47

Egpenenalan se menge batà te Timanem diyà te kagi te Timanem. Meneng kenà kaw batà te Timanem, aw yan se doun te eked kaw penenalan.”

Juan 9:27

Timaba sikandin, “Tapay ko iyan in-indan kenyo, meneng wedà kaw penenalan. Meibeg kaw lay domineg todà kenyan amon meinang kaw tinoledaan din?”

Roma 6:4

Pineokit te pegpebonyag tadon, iling te nematay kidon doma kandin, aw iling te inlebeng kidon heman doma kandin. Neinang iyan amon begayan kidon te Timanem te kaling pedowan, iling te peg-antay din ki Cristo lekat te nematay pineokit te tolos din.

Efeso 2:1

Kedengan, te wedà kaw pa pemenal, iling kaw te nematay tandà te peg-inang niyo te salà.

Efeso 2:5

so pengkey iling kidon te nematay tandà te peg-inang tadon te medaet, meneng binegayan kidon te Timanem te kaling pedowan tandà te pegpesakop tadon diyà ki Cristo. Pineokit te tabang te Timanem kenitadon, impelowà kidon din lekat te salà.

Efeso 5:14

Aw doen manyag, keenyagan se kedita. Yan se doun te doen eg-ikegiyen seini. “Aw timedogi ka pa, keloka ka den. Aw nematay ka pa, keantay ka den lekat te nematay, So keenyagan kaw den i Cristo.”

Kolasas 2:13

Kedengan, iling te nematay kaw, so nelegeb kaw te salà aw egtaking kaw te medaet ibeg te pedowan niyo. Meneng songkani binegayan kaw din heman te kaling pedowan iling ki Cristo, so pigwedad den te Timanem se kedita te salà ininang tadon.

Impekità 3:1

Minikagi heman sikandin, “Solat ka te anghil egtonggò te menge sakop te simbahan kidoen te Sardis. Seini se kagi isolat nikaw. ‘Seini se kagi ko kenyo. Dini kanak se Espiritu Santo egpetaga-taga te metolos sikandin pineokit te pito keokit. Dini heman kanak se pito bitoen eg-ewidan ko. Netegahan ko se eg-inangen niyo. Pengkey nedengeg kaw te doen kaling pedowan niyo, meneng wedà niyo iyan pekitai pineokit te eg-inangen niyo.