Juan 5:22 - Manobo Sarangani

²² Kenà Amay ko se meg-okom te otaw, meneng binegayan a din te peg-okom,

Juan 5:22 ပူးပေါင်းရင်းမြစ်များ

Juan 5:27

So siak se Timanem Migpekeotaw, binegayan a din heman te peg-okom te otaw.

Ininang 17:31

so tapay den pinemallì te Timanem se aldaw te peg-okom te kedita te otaw. Doen den pinemallì din meg-okom, aw metòlid se peg-okom din. Metoman iyan, so inantay sikandin te Timanem lekat te nematay.”

2 Korinto 5:10

Sominalo kwani se kedita tadon ki Cristo amon okomen kidon din, aw amon meabat te teg sebad-sebad kenitadon egpemenal se kandin ontong tepad te ininang din dini te keneyonan. Se otaw mig-inang te mèpiya, yan se doen ontong. Se otaw egpemenal eg-inang te medaet, yan se wedad ontong.

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Ininang 10:42

Insogò kay din amon megtoladà kay te Mèpiya Indan tepad kandin diyà te menge otaw, aw amon meg-indan kay te benal si Jesus se pinemallì te Timanem meg-okom te kedita te otaw, pengkey nematay aw wedà pa kematay.

Juan 9:39

Minikagi si Jesus, “Insogò a dini te keneyonan amon ipekità ko se awop te pedowan te kedita te otaw. Se otaw iling te bota so wedà dan kità te kebenalan, yan se tebangan ko amon komità dan. Meneng se otaw eden dan aw kimità dan te kebenalan, yan se pekitaan ko te iling dan te otaw bota.”

2 Timoteo 4:1

Doen ipunù ko kamno aw egtengtengen ki te Timanem aw si Jesu Cristo, se meg-okom te kedita te otaw pengkey nematay aw wedà pa kematay. So netegahan tadon te lomikò si Jesus aw lomowan, seini se ipunù ko kamno.

Roma 2:16

Pegtoladà ko te Mèpiya Indan, egtoladà a te doen pa aldaw domateng aw isogò te Timanem si Jesu Cristo meg-okom te kedita te otaw, so ipetaga-taga din se kedita te ininang tadon pengkey in-eles.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

1 Pedro 4:5

Meneng aw den iyan, so domateng se aldaw te ipelumun dan te Timanem, so neketagad den sikandin meg-okom te kedita te otaw pengkey nematay aw wedà pa kematay.

Mat. 16:27

Siak se Timanem Migpekeotaw, aw lomikò a dini tekingan te menge anghil aw kelangkaw te Amay ko. Aw lomikò a, begayan ko se kedita te otaw te ontong tepad te tapay dan ininang.

Juan 3:35

Ontò dakel se pedowan te Timanem Amay diyà te Batà din, aw insalig din diyà kandin se peglowan diyà te kedita.

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.