Juan 5:2 - Manobo Sarangani

² Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

Juan 5:2 ပူးပေါင်းရင်းမြစ်များ

Ininang 21:40

Neibeg se kapitan, aw yan timindeg si Pablo doton te lelebangan. Intakyaw din se belad amon ketegahan dan te doen ikegiyen din kandan. Pegkepenek dan, minikagi si Pablo te kagi te Hebreo, so yan se kagi te menge Judiyo.

Juan 20:16

Minikagi si Jesus, “Maria.” Yan siminalo si Maria diyà kandin aw minikagi te kagi te Hebreo, “Raboni.” (Se kelebadan niyan, “Menenoladà.”)

Juan 19:17

Nayan, inibing si Jesus te menge sondalo, aw impetiang dan kandin se kros lensangan kandin. Nesayo dan lekat te Jerusalem aw dimoton dan te bontod iningedanan Golgota te otaw eg-ikagi te Hebreo, meneng se kelebadan niyan, “Tòlan te Olo.”

Juan 19:13

Pegdineg i Pilato te kagi dan, inibing din si Jesus doton te lowà te balay, aw nenenoo kidoen te oseyanan iningedanan Gabata te otaw eg-ikagi te Hebreo, meneng se kelebadan niyan, “Tindeganan Bato.”

Juan 19:20

Medita se Judiyo migbasa kenyan, so medapag kidoen se lonsod te Jerusalem. Insolat iyan te telo kemolò te kagi, Hebreo, aw Latin, aw Griego.

Juan 5:3

Medita se otaw doen mesakit eg-ogpà diyà te lima elonganan niyan, aw migtagad dan te pegpegolì kandan. Doen menge bota. Doen menge kapig. Doen heman menge otaw kenà egpekeiwal. [Gayed dan migtagad te pegketigaw te wayeg kidoen,

Juan 7:21

Minikagi si Jesus, “Doen olò sebad kepelahan ininang ko, aw nepela se kedita niyo so aldaw te peg-etod.

Impekità 9:11

Doen selotan te dolon nengibing kandan. Sikandin se anghil i Satanas aw pengolo te kedita dan kidoen te awang te tanà wedad temanan te kedalem. Ngadan din diyà te kagi te Hebreo si Abbadon. Ngadan din diyà te kagi te Griego si Apolyon. (Se kelebadan niyan, “Metibaet.”)