Juan 5:18 - Manobo Sarangani

¹⁸ Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 5:18 ပူးပေါင်းရင်းမြစ်များ

Mat. 12:5

Nelibelan niyo besi heman aw eden se impunù ingkeliwat i Moises, te keilangan megterbaho se menge pengolo te simbahan pengkey aldaw te peg-etod, meneng kenà iyan salà dan.

Juan 1:19

Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 10:30

Siak aw Amay ko migsebad.”

Juan 10:33

Timaba se menge obanen te Judiyo, “Bontogan day sikona te bato kenà so mig-inang ka te kepelahan, meneng bontogan ka so migtompuyus ka te Timanem. Pengkey olò ka otaw, meneng minikagi ka den seini te Timanem ka.”

Juan 14:23

Timaba si Jesus, “Aw dakel se pedowan te otaw kanak, tomolò sikandin te punù ko. Kedekelan heman sikandin te Amay ko te pedowan, aw domoton kay kandin aw meg-ogpà kay kidoen te pedowan din.

Juan 14:9

Minikagi si Jesus, “Felipe, ontò den nenamay se pegdoma ko kamno. Yan nepela a so wedà ka pa ketaga-taga aw sinu a. Se kedita te otaw kimità kanak, kimità den dan heman te Amay ko. Nepela a te meibeg ka ipekità ko kenyo se Amay ko.

Juan 19:7

Minikagi se menge obanen te Judiyo, “Doen punù ingkeliwat i Moises diyà kenami linèpangan din, aw yan se doun te keilangan ipelumun sikandin aw imetayan, so minikagi te sikandin se Batà te Timanem.”

Juan 5:15

Penga niyan, nesayo se otaw negolian, aw mig-indan diyà te menge obanen te Judiyo te si Jesus se migpegolì kandin.

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 5:17

Meneng doen intaba i Jesus kandan, so minikagi sikandin, “Gayed egterbaho se Amay ko pengkey aldaw seini, aw yan se doun te gayed a heman egterbaho.”

Juan 5:23

so ibeg din segmanen a heman te kedita te otaw, onawa te pegsagman dan kandin. Aw eked pegsagman se otaw kanak, yan se pengilala te kenà heman sikandin egsagman te Amay ko simogò kanak.

Juan 7:1

Penga niyan, miglegeb si Jesus kidoen te probinsya te Galiliya. Wedà sikandin doton te probinsya te Judiya, so doen menge obanen te Judiyo meibeg mengimatay kandin.

Juan 7:19

Kineliwatan kaw i Moises te menge punù, meneng wedad palos otaw kidoen kenyo timolò kenyan. Nengà lay ibeg niyo pa mengimatay kanak?”

Juan 8:54

Timaba si Jesus, “Simpana megpelangkaw-langkaw a, wedad ontong ko. Meneng ipegpelangkaw a te Amay ko, aw eg-ikagi kaw te sikandin se Timanem egsimbahen niyo.

Juan 8:58

Minikagi si Jesus, “Eneng-enengi niyo se kagi ko. Te wedà pa tebaw si Abraham, tapay a den doen.”

Filipos 2:6

Pengkey gayed onawa se pegkesawol i Jesus aw pegkesawol te Timanem, Meneng wedà din eneng-enengi te onawa sikandin te Timanem,

Impekità 22:1

Penga niyan, impekità din kanak se wayeg iningedanan Wayeg Mekebegay te Kaling Pedowan. Ontò iyan metìngaw iling te ispiho, aw egtebol kidoen te onsedanan te Timanem aw Karniro.

Impekità 22:3

Wedad tinèyogan te Timanem kidoen. Kidoen se onsedanan te Timanem aw Karniro, aw simbahen se Timanem te kedita te sakop din.