Juan 5:17 - Manobo Sarangani

¹⁷ Meneng doen intaba i Jesus kandan, so minikagi sikandin, “Gayed egterbaho se Amay ko pengkey aldaw seini, aw yan se doun te gayed a heman egterbaho.”

Juan 5:17 ပူးပေါင်းရင်းမြစ်များ

Mat. 10:29

“Meneng ontò heman egkeido se Timanem te otaw. Pengkey iling te wedad keelagà te dowa manok te kebenesan aw beyadan niyo, meneng wedad palos manok te kebenesan medagdag kidoen te tanà aw kenà ibeg te Amay niyo Timanem.

Juan 10:36

eden niyo aw migtompuyus a te Timanem pineokit te inikagi ko seini te siak se Batà te Timanem, so pinemallì a din aw insogò a din heman dini te keneyonan.

Juan 14:10

Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 9:4

Dalem te doen pa aldaw, keilangan inangen tadon se ibeg te Timanem simogò kanak, so wedad meketerbaho te delem.

Ininang 14:17

Meneng gayed din impetaga-taga te doen Timanem, so egpemegay sikandin te odan, aw eg-entayen din se menge tinanem te kelikit te omay, amon megkedoen kànen niyo aw keluba te pedowan niyo.”

Ininang 17:28

‘Lekat te ibeg te Timanem timebaw kidon, aw timilles kidon, aw timayod kidon lamig songkani.’ Iling te insolat te sebad doma niyo biyasa, kagi din, ‘Tengke Timanem se kedita tadon.’

1 Korinto 12:6

Medita se kemolò te terbaho tadon, meneng sebad se Timanem egpemegay te keseg diyà te kedita tadon egterbaho.

Kolasas 1:16

so pineokit ki Cristo, ininang te Timanem se kedita. Pengkey doton te langit aw dini te tanà, pengkey egkitaen aw kenà egkitaen, aw pengkey eden kemoloi te doen metolos aw eglowan, ininang te Timanem se kedita niyan pineokit ki Cristo amon sikandin se iduyun tadon.

1 Tesalonika 2:13

Gayed kay heman egpesiontong diyà te Timanem tepad kani. Pegtoladà day kenyo te kagi te Timanem, nemenal kaw kenyan, so netegahan niyo te kenà iyan olò kagi te otaw, meneng ontò benal kagi te Timanem. Pineokit te kagi te Timanem, doen eg-inangen din diyà te kedita niyo egpemenal.

Menge Hebreo 1:3

Pineokit heman kandin, ipegpekità se kelangkaw te Timanem, aw sikandin se egkitaan tadon te ketanem te Timanem. Sikandin se egbayà-bayà te kedita te neinang dini te keneyonan pineokit te kagi din metolos. Pegkepenga din te miglinis kenitadon lekat te salà, minolì sikandin doton te langit, aw minonsad sikandin kidoen te tangkil te Timanem Melangkaw amon lomowan doma din.