Juan 5:15 - Manobo Sarangani

¹⁵ Penga niyan, nesayo se otaw negolian, aw mig-indan diyà te menge obanen te Judiyo te si Jesus se migpegolì kandin.

Juan 5:15 ပူးပေါင်းရင်းမြစ်များ

Mar. 1:45

Meneng pegkesayo din, medita se otaw inindanan din tepad te ininang i Jesus kandin. Yan se doun te wedà pekeokit si Jesus te menge lonsod so pelaban medita se otaw metipon. Yan miglegeb sikandin doton te ogpeanan mediyò te lonsod, aw medita se otaw dimoton kandin lekat te kedita te ogpeanan.

Juan 1:19

Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Juan 5:10

Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”

Juan 5:12

Mig-insà dan, “Sinu lay se otaw migpunù te peglolon no te ikam aw peg-ipanaw nikaw?”

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 5:18

Pegdineg dan kenyan, labi dan pa meibeg mengimatay kandin. Neopal dan kandin so wedà sikandin taking te ketanem dan tepad te aldaw te peg-etod. Neopal dan heman so minikagi sikandin te Timanem se Amay din, aw pineokit kenyan onawa se kelangkaw din diyà te Timanem.

Juan 9:15

Mig-insà heman se menge Parisiyo diyà kandin aw nemeno se pegkegolì te mata din. Mig-indan sikandin, kagi din, “Insawol din se pasak diyà te mata ko, aw migdàpog a te bawa ko, aw yan kimità a.”

Juan 9:25

Timaba se otaw, “Wedà ko ketegahi aw benal aw kenà benal te sikandin se limàpang te punù ingkeliwat i Moises. Meneng sebad olò se netegahan ko, te bota a kedengan, meneng egpengità a den songkani.”

Juan 9:30

Minikagi se otaw negolian, “Ontò a den nepela kenyo. Pengkey migpegolì sikandin te mata ko pineokit te tolos din, meneng wedà niyo pa ketegahi aw sinu se simogò kandin.

Juan 9:34

Minikagi dan, “Pegtebaw no, bota ka so doen salà nikaw. Yan eked kepakay aw sikona se megtoladà kenami.” Penga niyan, impelowà dan sikandin lekat te simbahan.