Juan 5:10 - Manobo Sarangani

¹⁰ Yan neopalan te menge obanen te Judiyo se otaw negolian. Minikagi dan, “Seini se aldaw te peg-etod. Nekelàpang ka te punù so nengibing ka te ikam.”

Juan 5:10 ပူးပေါင်းရင်းမြစ်များ

Mat. 12:10

Doen otaw kidoen nekepis se belad din. Doen heman menge doma otaw kidoen nengemahà te idimanda dan tepad ki Jesus, aw yan se doun te mig-insà dan, “Aw megpegolì se otaw te sebad otaw te aldaw te peg-etod, mekelàpang lay sikandin te punù ingkeliwat i Moises?”

Mar. 2:24

Meneng minikagi se menge Parisiyo diyà ki Jesus, “Tay law. Mig-inang se menge tinoledaan no te salà, so doen punù ingkeliwat i Moises te keilangan eked kidon pegterbaho te aldaw te peg-etod.”

Mar. 3:4

Penga niyan, minikagi si Jesus diyà te menge otaw timengteng kandin, “Tepad te punù ingkeliwat i Moises, eden lay se mepakay inangen tadon te aldaw te peg-etod? Meg-inang kidon lay te mèpiya, aw meg-inang kidon te medaet? Megtabang kidon lay te doma otaw, aw mengimatay kidon te doma?” Meneng wedad palos intaba dan.

Luc. 13:14

Meneng ontò neopal se obanen te simbahan so aldaw te peg-etod se pegpegolì i Jesus te bayi sìyan. Yan se doun te minikagi sikandin diyà te kedita te otaw kidoen, “Kelikit te simana, enem se aldaw mepakay megterbaho se otaw, aw yan se aldaw mepakay aw kegolian kaw. Meneng eked kepakay aw seini, so aldaw te peg-etod.”

Luc. 23:56

Penga niyan, minolì dan aw migtegilan dan te menge kemolò te lana metinadeg isawol dan diyà te lawa te nematay. Aldaw te Sebado, mig-etod dan, so yan se punù ingkeliwat i Moises.

Luc. 6:2

Meneng minikagi se menge Parisiyo, “Doen punù ingkeliwat i Moises te keilangan eked pegterbaho se otaw te aldaw te peg-etod. Nengà lay wedà kaw tolò kenyan?”

Juan 1:19

Doen menge pengolo te simbahan te Judiyo aw menge bowad-bowad i Levi dimoton ki Juan Memonyagay. Insogò dan te menge obanen te Judiyo lekat te Jerusalem amon meg-insà dan ki Juan aw sinu sikandin. Seini se inikagi i Juan, so wedà din boloni se kebenalan, meneng timaba sikandin, kagi din, “Kenà ko se Misiyas megpelowà kenyo.”

Juan 5:11

Meneng timaba sikandin, “Se otaw migpegolì kanak, yan se migpunù kanak te peglolon ko te ikam aw peg-ipanaw ko.”

Juan 5:15

Penga niyan, nesayo se otaw negolian, aw mig-indan diyà te menge obanen te Judiyo te si Jesus se migpegolì kandin.

Juan 5:16

Yan se doun te pinemilang dan si Jesus, so neopal dan te pegpegolì din te otaw aldaw te Sebado.

Juan 7:23

Yan eked kepakay aw keopalan a niyo, so aw mepakay se pegtolì niyo te otaw dalem te aldaw te peg-etod amon toloen se punù ingkeliwat i Moises, mepakay heman se pegpegolì ko te kedakel te lawa te otaw dalem te aldaw te peg-etod.

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.