Juan 4:45 - Manobo Sarangani

⁴⁵ Meneng pegdateng din doton te probinsya te Galiliya, nepela sikandin so limiyag se menge tege Galiliya kandin, so medita dan se timanod te Pista te Pegpelowà kidoen te Jerusalem, aw kinità dan se menge kepelahan ininang din kidoen.

Juan 4:45 ပူးပေါင်းရင်းမြစ်များ

Luc. 13:1

Na, penga niyan, doen otaw kidoen mig-indan diyà ki Jesus te doen menge sakop te probinsya te Galiliya impeimatay i Pilato dalem pa te pegsonog dan te ayam-ayam imbegay dan diyà te Timanem kidoen te dakel simbahan doton te Jerusalem.

Luc. 8:40

Peg-olì i Jesus doton dipag te lanaw, medita se otaw simongon kandin, so tapay dan migtagad kandin.

Luc. 9:53

Kenà Judiyo se menge otaw eg-ogpà kidoen, aw yan se doun te wedà dan peepiti si Jesus, so netegahan dan te domeleg sikandin doton te Jerusalem.

Juan 2:23

Peg-ogpà i Jesus doton te Jerusalem dalem te Pista te Pegpelowà, medita se otaw nemenal kandin, so kinità dan se menge kepelahan ininang din.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 4:54

Yan se ikedowa kepelahan ininang i Jesus. Ininang din iyan kidoen te probinsya te Galiliya te pegdateng din lekat te probinsya te Judiya.