Juan 4:31 - Manobo Sarangani

³¹ Pegtanan te bayi ki Jesus, minikagi se menge tinoledaan din, “Sir, kaen ka den.”

Juan 4:31 ပူးပေါင်းရင်းမြစ်များ

Genesis 24:33

Peglamak dan te kànen, minikagi se sineligan, “Eked a kaen singed aw meg-indan a kenyo tepad te tod ko dini.” Minikagi si Laban, “Indani kay den.”

Mat. 23:7

Ibeg dan segmanen dan te doma otaw doton te pedyanan, aw ibeg dan tewalen Meistro.

Mat. 23:8

Meneng eked kepakay aw tewalen kaw Meistro te doma otaw, so telekedowa se kedita niyo aw sebad ko se meistro egtoladà kenyo.

Mat. 26:25

Mig-insà se migtolok kandin si Judas, “Sir, kenà ko lay lebò?” Minikagi si Jesus, “Benal se inikagi nikaw.”

Mat. 26:49

Nayan, pegdateng dan doton, wedà peg-alà-alà si Judas, meneng dimoton ki Jesus, aw minikagi, “Sir, mèpiya delem.” Penga niyan, inedekan din si Jesus.

Mar. 11:21

Neeneng-enengan i Pedro aw eden se neinang, aw minikagi sikandin diyà ki Jesus, “Sir, tengtengi se kayo inikegiyan no gebenini nelanes den.”

Mar. 14:45

Nayan, pegdateng dan doton, wedà peg-alà-alà si Judas meneng dimoton ki Jesus, aw minikagi, “Sir.” Penga niyan, inedekan din si Jesus.

Mar. 9:5

Minikagi si Pedro diyà ki Jesus, “Pengolo, mèpiya so dini kay. Ibeg day meg-inang kay den te telo balay amon doen ogpaan te teg sebad-sebad kenyo si Moises aw si Elias.”

Juan 1:38

Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 11:8

Minikagi se menge tinoledaan din, “Sir, mèpiya aw eked ka pa likò doton, so doen pa ibeg te menge obanen te Judiyo memontog kamno te bato amon imetayan ka.”

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 3:26

Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Juan 4:30

Yan nesayo dan aw dimoton dan ki Jesus.

Juan 4:32

Minikagi si Jesus, “Doen kànen ko wedà niyo ketegahi.”

Juan 6:25

Pegdateng dan doton te Kapirnaom, kinità dan si Jesus, aw mig-insà dan, “Sir, kano ka lay dini?”

Juan 9:2

Mig-insà se menge tinoledaan i Jesus, “Sir, sinu lay se mig-inang te salà doun te bota se otaw seini lekat te pegtebaw din? Sikandin lay se mig-inang te salà, aw amay aw inay din?”