Juan 4:3 - Manobo Sarangani

³ Pegdineg i Jesus kenyan, nesayo sikandin lekat te probinsya te Judiya aw dimoton te probinsya te Galiliya.

Juan 4:3 ပူးပေါင်းရင်းမြစ်များ

Mat. 10:23

Aw pemilangen kaw kidoen te sebad lonsod, kadas kaw lekat kidoen aw doton kaw te doma lonsod. Penenalan kaw te kagi ko kenyo seini. Siak se Timanem Migpekeotaw, aw lomikò a te eked pa kepenga se pegtoladà niyo kidoen te kedita te lonsod eg-ogpaan te menge bowad-bowad i Israel.

Juan 11:54

Yan se doun te limengà si Jesus te peglegeb din kidoen te menge lonsod te Judiyo. Meneng nesayo sikandin aw dimoton te lonsod iningedanan Ipraim, medapag te kebigtilan. Mig-ogpà sikandin kidoen aw menge tinoledaan din.

Juan 10:40

Nesayo si Jesus lekat te Jerusalem, aw minatas te wayeg iningedanan Jordan, aw dimoton te ogpeanan egbonyagan i Juan Memonyagay kedengan. Mig-ogpà si Jesus kidoen.

Juan 3:22

Penga niyan, dimoton si Jesus aw menge tinoledaan din te probinsya te Judiya. Mig-ogpà dan kidoen aw migbonyag.

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 1:43

Keeldawan niyan, migpetagad si Jesus domoton te probinsya te Galiliya. Onà din pinengemahà si Felipe tege Bitsayda. Yan heman se lonsod eg-ogpaan i Andres aw si Pedro. Pegkità i Jesus ki Felipe, minikagi sikandin, “Taking ka kanak.”

Mar. 3:7

Nayan, nesayo si Jesus aw menge tinoledaan din lekat kidoen aw dimoton dan te kilid te lanaw. Medita se otaw timaking kandan lekat te probinsya te Galiliya. Doen heman menge otaw lekat te probinsya te Judiya,

Juan 3:32

Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Luc. 17:11

Pegpesalo i Jesus doton te Jerusalem, minokit sikandin diyà te pigkitaan te probinsya te Samarya aw Galiliya.

Juan 4:47

Pegdineg din te nesayo den si Jesus lekat te probinsya te Judiya aw dimateng den kidoen te probinsya te Galiliya, dimoton sikandin ki Jesus, aw nemoyò te domoton sikandin te Kapirnaom amon megpegolì te batà din, so ontò den netigdaan.

Juan 7:1

Penga niyan, miglegeb si Jesus kidoen te probinsya te Galiliya. Wedà sikandin doton te probinsya te Judiya, so doen menge obanen te Judiyo meibeg mengimatay kandin.