Juan 4:25 - Manobo Sarangani

²⁵ Minikagi se bayi, “Netegahan ko te domateng se Misiyas amon megpelowà kenitadon, sìyan isogò te Timanem iningedanan Cristo. Aw domateng sikandin, lebaden din se kedita te kebenalan diyà kenitadon.”

Juan 4:25 ပူးပေါင်းရင်းမြစ်များ

Mat. 1:16

Si Jacob se amay i Jose. Si Jose se esawa i Maria inay i Jesus. Si Jesus se ginulal Misiyas insogò te Timanem.

Mat. 27:17

Pegketipon te medita otaw, mig-insà si Pilato, “Sinu lay se ibeg niyo ipelowà ko? Si Barabas aw si Jesus egtewalen niyo Misiyas? Sinu lay se pemellien niyo?”

Mat. 27:22

Mig-insà si Pilato, “Menonen ko si Jesus egtewalen niyo Misiyas?” Timaba se kedita dan, “Imetayi sikandin. Lensangi diyà te kros.”

Luc. 2:11

Doen timebaw gina seini kidoen te Bitlihim. Sikandin se Pengolo si Cristo megpelowà kenyo.

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Juan 4:39

Doen medita tege Samarya nemenal diyà ki Jesus tandà te peg-ikagi te bayi, “Inindanan a din te kedita te ininang ko.”

Juan 4:42

Minikagi dan diyà te bayi, “Nemenal kay den kenà olò pineokit te inikagi no kenami, meneng nemenal kay den so nenenalan kay den kandin, aw netegahan day den te ontò sikandin se megpelowà te kedita te otaw.”