Juan 4:21 - Manobo Sarangani

²¹ Minikagi si Jesus, “Penenalan ka kanak. Doen aldaw domateng aw kenà olò dini te bontod seini se simbahan te otaw, aw kenà olò heman doton te Jerusalem, meneng mepakay aw simbahen se Timanem Amay pengkey kenan.

Juan 4:21 ပူးပေါင်းရင်းမြစ်များ

1 Timoteo 2:8

Ibeg ko megtawal-tawal se menge meama doton te kedita ogpeanan. Keilangan metòlid se eg-inangen dan. Keilangan eked dan keopal, aw eked dan heman pegdindil.

Efeso 2:18

Pineokit ki Cristo, mekepedapag kidon den diyà te Timanem Amay tadon, so eg-ogpaan den te Espiritu Santo se kedita tadon, pengkey Judiyo aw otaw kenà Judiyo.

Juan 4:23

Dimateng den se aldaw te keilangan melobos se pedowan te otaw megsimba kandin, aw keilangan ketegahan dan heman se kebenalan tepad kandin egsimbahen dan, so yan se ibeg te Timanem te megsimba se otaw kandin iling kenyan.

Mat. 18:20

Pengkey olò dowa aw telo se otaw metipon amon megsimba kanak, kidoen a heman doma dan.”

Efeso 3:14

Peg-aneng-aneng ko tepad te ontò mèpiya tabang te Timanem kenitadon, eglongken a aw egtawal-tawal a diyà te Timanem Amay.

Juan 16:32

meneng doen pa aldaw agpet domateng te mebilit kaw. Dimateng den se aldaw te megsiolì se kedita niyo, so tenanan a niyo sebad ko. Meneng doen pa doma ko, so domaan a te Amay ko.

Juan 16:2

Domateng se aldaw eked kaw peopi kidoen te menge simbahan te Judiyo. Imetayan kaw heman te otaw meg-aneng-aneng te yan se ibeg te Timanem.

Juan 5:28

Ikà niyo egkepela te kagi ko seini, so doen aldaw domateng aw domineg se kedita te otaw nematay te tawal ko kandan.

1 Pedro 1:17

Metòlid se peg-okom te Timanem te kedita te otaw tepad te ininang te teg sebad-sebad kenitadon. Aw egtewalen niyo den sikandin Amay niyo, keilangan ontò kaw megsagman kandin dalem te peg-ogpà niyo dini lanto te tanà.

Ininang 6:14

Dinineg day sikandin minikagi te meglegobal se tege Nasarit si Jesus te dakel simbahan seini, aw elinen din heman se menge ketanem ingkeliwat i Moises.”

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 5:25

Eneng-enengi niyo se kagi ko kenyo. Doen aldaw domateng, igsà dimateng den iyan, aw domineg te kagi ko se menge otaw wedad pedowan. Aw memenal dan kanak, begayan dan te kaling pedowan wedad temanan.

Luc. 21:24

Medita se otaw megelà tigbasen. Medita heman se doma dekepen aw ibingen doton te kedita te doma lonsod mediyò. Ontò pegbàtan te menge otaw kenà Judiyo se lonsod te Jerusalem lamig mepenga se peglowan dan.”

Mat. 28:19

Yan isogò ko den sikiyo doton te kebelad te keneyonan. Pegtoladà kaw te kedita te otaw amon tomaking dan kanak. Pemonyagi niyo dan diyà te ngadan te Timanem Amay, aw Batà din, aw Espiritu Santo.

Impekità 21:22

Wedad simbahan kinità ko kidoen te lonsod sìyan, so eg-ogpà kidoen se egsimbahen dan, yan se Timanem Pengolo eglowan diyà te kedita dan aw Karniro.