Juan 4:19 - Manobo Sarangani

¹⁹ Minikagi se bayi, “Sir, netegahan ko den te telekeliwat ka insogò te Timanem.

Juan 4:19 ပူးပေါင်းရင်းမြစ်များ

Mat. 21:11

Timaba se otaw timaking ki Jesus, “Sikandin se telekeliwat te kagi te Timanem si Jesus. Lekat sikandin te lonsod te Nasarit sakop te probinsya te Galiliya.”

Luc. 24:19

Minikagi sikandin, “Eden lay se neinang kidoen?” Minikagi dan, “Doen telekeliwat te kagi te Timanem ngadan din si Jesus tege Nasarit. Insogò sikandin te Timanem, aw ontò mèpiya se ininang din aw inikagi din kinità te kedita te otaw.

Luc. 7:16

Nelemitan se kedita te otaw kimità kenyan, aw induyun dan se Timanem, kagi dan, “Migtabang den se Timanem kenitadon menge sakop din, so insogò din dini kenitadon se metolos telekeliwat te kagi din seini.”

Luc. 7:39

Nayan, sìyan Parisiyo migpekaen ki Jesus, pegkità din te ininang te bayi, mig-aneng-aneng sikandin te kenà ontò telekeliwat insogò te Timanem si Jesus. Aneng-aneng din, simpana si Jesus se benal telekeliwat insogò te Timanem, ketegahan din aw eden se eg-inangen te bayi sìyan, so ontò sikandin mig-inang te salà.

Juan 4:18

so mekelima ka pa pengognan, aw kenà ontò kamno esawa se meama migdoma kamno. Benal se inikagi nikaw.”

Juan 4:29

“Taking kaw kanak amon kitaen niyo heman se otaw mig-indan kanak te kedita te ininang ko. Sikandin besi se Misiyas megpelowà kenitadon.”

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 7:40

Pegdineg dan te inikagi din, doen menge otaw minikagi, “Sikandin se ontò benal telekeliwat te kagi te Timanem tapay din impakang.”

Juan 9:17

Penga niyan, mig-insà dan diyà te otaw negolì se mata, “Eden lay se kamno aneng-aneng tepad kandin? So kamno mata se pinegolì din.” Timaba sikandin, “Telekeliwat sikandin te kagi te Timanem.”