Juan 3:7 - Manobo Sarangani

⁷ Ikà egkepela diyà te inikagi ko kamno te keilangan todà kaw tomebaw.

Juan 3:7 ပူးပေါင်းရင်းမြစ်များ

Juan 3:3

Minikagi si Jesus, “Eneng-enengi se kagi ko kamno. Aw eked todà tebaw se otaw, eked sikandin kesakop diyà te peglowan te Timanem.”

Impekità 21:27

Meneng wedad palos medaet mekeawop kidoen. Eked heman pekeawop se otaw eg-inang te medaet aw egkebolalaw. Meneng se otaw mekeawop te lonsod sìyan, yan olò se otaw insolat se ngadan dan kidoen te libro sinolatan te Karniro te ngadan te kedita te otaw binegayan te kaling pedowan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

Menge Hebreo 12:14

Pegpekeaseb kaw te pegsebad te pedowan niyo diyà te kedita te doma otaw. Pegpekeaseb kaw heman meg-inang te metòlid, so wedad palos otaw meg-ogpà doma te Pengolo tadon singed aw metòlid dan.

Kolasas 1:12

Pegpesiontong kaw diyà te Timanem Amay, so impeakop kaw din diyà te menge sakop din begayan din te mèpiya doton te langit.

Juan 3:12

Aw eked kaw pemenal te in-indan ko tepad te meinang dini te tanà, eked kaw heman pemenal aw meg-indan a kenyo tepad te meinang doton te langit.

Juan 5:28

Ikà niyo egkepela te kagi ko seini, so doen aldaw domateng aw domineg se kedita te otaw nematay te tawal ko kandan.

Juan 3:6

Se tomebaw olò diyà te otaw, otaw heman iyan. Meneng se tomebaw pineokit te Espiritu Santo, yan se otaw ogpaan te Espiritu Santo.

Juan 3:8

Egkedog se kelamag egpesalo pengkey kenan. Meneng pengkey egdinegen no se logo-logo niyan, eked no ketegahi aw kenan iyan lekat aw kenan pesalo. Iling heman kenyan se pegtebaw te otaw pineokit te Espiritu Santo.”