Juan 3:6 - Manobo Sarangani

⁶ Se tomebaw olò diyà te otaw, otaw heman iyan. Meneng se tomebaw pineokit te Espiritu Santo, yan se otaw ogpaan te Espiritu Santo.

Juan 3:6 ပူးပေါင်းရင်းမြစ်များ

2 Korinto 5:17

Se otaw simalig ki Cristo, ontò den netodà se pedowan dan. Taman den niyan se pegkeallang dan diyà te medaet, so doen den kaling pedowan dan.

1 Juan 3:9

Se otaw ininang te Timanem batà din, yan se otaw kenà eg-inang te salà so binegayan sikandin te kaling pedowan lekat te Timanem. Eked sikandin peg-inang te salà so ininang den sikandin batà te Timanem.

1 Korinto 6:17

Meneng pengkey sinu se memenal te Pengolo tadon, megsebad se pedowan din diyà kandin.

Roma 7:18

Netegahan ko te wedad palos mèpiya kidoen te tapay pedowan ko, so pengkey meibeg a meg-inang te mèpiya, meneng eked ko iyan keinang.

Genesis 6:12

Pegtengteng te Timanem diyà te tanà, kinità din te tomalag iyan medaet, so gayed medaet se eg-inangen te kedita te otaw.

Roma 8:13

so aw egbeyà-beyaan kaw te medaet ibeg te pedowan niyo, detengan kaw te kemetayun wedad temanan. Meneng aw pineokit te tabang te Espiritu Santo lomengà kaw te peg-inang niyo te salà, doen kaling pedowan niyo wedad temanan,

Efeso 2:3

Kedengan, iling heman kenyan se kedita tadon, so gayed kidon egtaking te medaet ibeg te pedowan tadon. Pengkey eden se ibeg te lawa aw aneng-aneng tadon, yan se eg-inangen tadon. So yan se ketanem tadon, detengan kidon peden te pelumun te Timanem iling te kedita te otaw kenà egtolò kandin.

Kolasas 2:11

Doen pengilala eg-inangen te menge Judiyo amon ipetaga-taga dan te egtaking dan te Timanem, aw yan se pegpemetolì dan. Meneng sebad se pengilala ininang i Cristo te pegpemenal tadon kandin, so impelowà kidon din lekat te pegkeallang tadon diyà te medaet ibeg te pedowan tadon.

Galasya 5:24

Se menge otaw migpesakop diyà ki Cristo, yan se mig-eked te pegtolò te medaet ibeg te pedowan.

Juan 1:13

Pegkeinang dan batà te Timanem, kenà iyan iling te pegtebaw te otaw dini te keneyonan. Kenà iyan heman lekat te ibeg aw aneng-aneng te otaw. Meneng lekat te ibeg te Timanem, ininang din dan menge batà din.

Roma 7:5

Kedengan dalem te pegtaking tadon te ibeg te pedowan tadon, doen medaet ibeg tadon nekeboyo kenitadon pineokit te menge punù ingkeliwat i Moises. Yan se doun te detengan kidon peden te kemetayun, so gayed kidon mig-inang te salà.

Genesis 6:5

Kinità te Timanem te ontò medaet se eg-inangen te kedita te otaw dini lanto te tanà, aw tomalag medaet se aneng-aneng aw ibeg dan te kelikit te aldaw.

Genesis 5:3

Peg-apet te sebad gatos ketlowan se omay i Adam, timebaw se batà din meama iling kandin. Iningedanan din se batà din ki Set.

Roma 7:25

Yan egpesiontong a diyà te Timanem, so impelowà a din den pineokit te Pengolo tadon si Jesu Cristo. Yan mig-indan a den kenyo te kelimahan ko. Pengkey ibeg ko tomolò a te ibeg te Timanem, meneng egpekeinang a pa te medaet so doen pa medaet ibeg te pedowan ko.

Juan 3:7

Ikà egkepela diyà te inikagi ko kamno te keilangan todà kaw tomebaw.