Juan 3:35 - Manobo Sarangani

³⁵ Ontò dakel se pedowan te Timanem Amay diyà te Batà din, aw insalig din diyà kandin se peglowan diyà te kedita.

Juan 3:35 ပူးပေါင်းရင်းမြစ်များ

Genesis 41:44

Minikagi heman se selotan diyà ki Jose, “Pengkey siak se selotan, meneng wedad palos mepakay inangen dini te kebelad te Ehipto singed aw mepakay iyan diyà kamno.”

Genesis 41:55

Pegkeballos te menge tege Ehipto, nemoyò dan te kànen diyà te selotan. Meneng minikagi sikandin, “Doton kaw ki Jose aw tolò kaw te ipunù din kenyo.”

Mat. 11:27

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.

Mat. 17:5

Telobo pa minikagi si Pedro, doen labon melowa dimateng diyà kandan aw wedà dan ebey kità kandan. Penga niyan, dinineg dan se kagi te Timanem lekat te labon, “Seini se Batà ko. Dakel se pedowan ko kandin, aw ontò a neluba kandin. Keilangan sikandin se penenelanen niyo.”

Mat. 28:18

Migpedapag si Jesus diyà kandan aw minikagi, “Impelowan a den diyà te kedita doton te langit aw dini heman te lanto te tanà.

Mat. 3:17

Penga niyan, dinineg dan se kagi te Timanem lekat te langit, “Seini se Batà ko. Dakel se pedowan ko kandin, aw ontò a neluba kandin.”

Luc. 10:22

Penga niyan, minikagi si Jesus, “Insalig te Amay ko se kedita diyà kanak. Se Amay ko, yan olò se netaga-taga te kedita tepad kanak, so Batà a din. Siak olò heman se netaga-taga te kedita tepad te Amay ko, aw eked ketaga-taga se otaw tepad kandin singed aw ipetaga-taga ko iyan diyà kandan.”

Juan 13:3

Meneng si Jesus, tapay netegahan din te insalig diyà kandin se pegpengibing te kedita. Netegahan din heman te Timanem se migsogò kandin aw sikandin se olian din heman.

Juan 15:9

Dakel se pedowan te Amay ko kanak. Iling heman kenyan se kedakel te pedowan ko kenyo. Peg-ogpà kaw diyà kanak amon gayed dakel se pedowan ko kenyo.

Juan 17:2

Insalig no kanak se peglowan diyà te kedita te otaw amon mekebegay a te kaling pedowan wedad temanan diyà te kedita te otaw imbegay no kanak.

Juan 17:23

so diyà a kandan aw diyà ka kanak. Ibeg ko, ontò dan megsebad te pedowan amon ketegahan te kedita te otaw dini te keneyonan te sikona se simogò kanak, aw dakel se pedowan no kandan iling te kedakel te pedowan no kanak.

Juan 17:26

Impetaga-taga ko den kandan tepad te pegkeotawun no, aw doen pa ipetaga-taga ko kandan tepad kenyan, so ibeg ko, megpedekelay dan te pedowan iling te kedakel te pedowan no kanak, aw meg-ogpà a heman diyà te pedowan dan.”

Juan 5:20

so dakel se pedowan te Amay ko kanak, aw pinekitaan a din te kedita te eg-inangen din. Doen pa inangen din ipekità din pineokit kanak labi pa metolos te ininang ko den amon ontò kaw mepela.

Juan 5:22

Kenà Amay ko se meg-okom te otaw, meneng binegayan a din te peg-okom,

Efeso 1:22

Impelowan te Timanem si Cristo diyà te kedita, aw ininang din si Cristo Pengolo te kedita aw olo te kedita tadon egpemenal,

Menge Hebreo 1:2

Meneng songkani, sebad den se ininang te Timanem, so pineokit te Batà din si Jesu Cristo se peg-ikagi din kenitadon. Pineokit heman ki Jesu Cristo se peg-inang te Timanem te keneyonan. Sikandin heman se pinemallì te Timanem amon menig-apò te kedita.

1 Pedro 3:22

Dimoton sikandin diatas te langit. Minonsad den sikandin kidoen te tangkil te Timanem aw eglowan heman doma din. Impelowan sikandin diyà te kedita doton te langit, pengkey kedita te anghil aw menge doma metolos.