Juan 3:33 - Manobo Sarangani

³³ Meneng se otaw memenal te kagi din, yan se otaw megpetaga-taga te benal se kagi te Timanem.

Juan 3:33 ပူးပေါင်းရင်းမြစ်များ

Juan 6:27

Ikà niyo egpengemahà te kànen megkewedad te eked kenamay. Meneng pengemahà kaw te kànen eked pegkewedad aw mekebegay te pedowan wedad temanan. Yan se ibegay ko kenyo, so siaken se Timanem Migpekeotaw, aw impetaga-taga te Amay ko Timanem te siak se insogò din.”

Juan 8:26

Dakel pa se itoladà ko aw isila ko kenyo. Meneng egkeseligan se simogò kanak, aw keilangan meg-indan a diyà te kedita te otaw te kebenalan impetaga-taga din kanak.”

Roma 15:28

Penga te pegtoman ko te peg-ated ko te kwarta itabang kandan, mokit a doton kenyo te pegpesalo ko doton te Espanya.

Roma 4:11

Penga te pegpemenal i Abraham, migpetolì sikandin. Yan se pengilala te inaneng-aneng te Timanem te metòlid sikandin tandà te pegpemenal din te wedà pa tolii. Yan neinang sikandin olo te kedita te otaw egpemenal pengkey wedà dan tolii, so inaneng-aneng heman te Timanem te metòlid dan tandà te pegpemenal dan.

1 Korinto 9:2

Pengkey doen doma otaw eg-aneng-aneng te kenà a sogounun i Cristo, meneng sikiyo se netaga-taga kenyan, so pineokit te pegtoladà ko, nemenal kaw aw yan se pengilala te sogounun a i Cristo.

2 Korinto 1:18

Egkeseligan se Timanem, aw netegahan din te ontò benal se intoladà ko kenyo.

2 Korinto 1:22

Impetaga-taga din te batà kidon din pineokit te Espiritu Santo imbegay din meg-ogpà dini te pedowan tadon, amon ketegahan tadon te metoman se kedita te pakang din.

Efeso 1:13

Sikiyo heman menge otaw kenà Judiyo, pegdineg niyo te benal kagi te Timanem, sìyan Mèpiya Indan te doen kelowaan lekat te salà, simalig kaw heman diyà ki Jesu Cristo. Mig-iling kaw den kenami menge Judiyo, so binegayan kaw heman te Timanem te Espiritu Santo tapay din impakang, so yan se pengilala te sakop kaw din.

Efeso 4:30

Ikà niyo eg-inang te pengkey eden eked keibegi te Espiritu Santo. Binegayan kaw te Timanem te Espiritu Santo, so yan se pengilala te sinakop kaw din aw ipelowà kaw te aldaw te peglikò te Pengolo tadon.

2 Timoteo 2:19

Meneng eked ketodà se kebenalan impetoladà te Timanem, aw egketegahan iyan pineokit te kagi seini, “Netegahan te Pengolo se kedita te otaw egtaking kandin.” Doen heman doma kagi, “Keilangan eked pegpekesalà se kedita te otaw eg-ikagi te egtaking dan te Pengolo.”

Menge Hebreo 6:17

Iling heman kenyan se ininang te Timanem. So ibeg din metaga-taga se kedita te otaw kominawà te pakang din te eked din palos todai se tod din, yan se doun te impesipat din se kandin ngadan diyà te pakang din.

1 Juan 1:10

Simpana mikagi kidon te wedad palos salà ininang tadon, iling iyan te mekeikagi kidon te bolelawun se Timanem, aw wedà tadon pa ontò soli se kagi din diyà te pedowan tadon.