Juan 3:32 - Manobo Sarangani

³² Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Juan 3:32 ပူးပေါင်းရင်းမြစ်များ

Juan 3:11

Eneng-enengi se kagi ko kamno. Eg-ikegiyen day se netegahan day, aw ipeg-indan day se benal kinità day, meneng wedà kaw pemenal te inikagi day.

Juan 15:15

Lekat seini, eked ko sikiyo tewali menge sineligan ko, meneng tewalen ko sikiyo menge sigalak ko. Se menge sineligan, eked dan ketegahi aw eden se tod te amo dan. Meneng sikiyo se menge sigalak ko, so impetaga-taga ko kenyo se kedita te intoladà te Amay ko kanak.

Juan 1:11

Pengkey dimoton te ogpeanan te kandin kedomaan, meneng wedà dan pegsagman kandin.

Juan 8:26

Dakel pa se itoladà ko aw isila ko kenyo. Meneng egkeseligan se simogò kanak, aw keilangan meg-indan a diyà te kedita te otaw te kebenalan impetaga-taga din kanak.”

Juan 5:20

so dakel se pedowan te Amay ko kanak, aw pinekitaan a din te kedita te eg-inangen din. Doen pa inangen din ipekità din pineokit kanak labi pa metolos te ininang ko den amon ontò kaw mepela.

Juan 3:33

Meneng se otaw memenal te kagi din, yan se otaw megpetaga-taga te benal se kagi te Timanem.

Juan 3:26

Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Mat. 7:8

Kominawà se kedita te otaw memoyò. Komità se kedita te otaw mengemahà. Ipeawop heman se kedita te otaw tomawal.

Juan 18:37

Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”