Juan 3:30 - Manobo Sarangani

³⁰ Keilangan megkedakel se dengeg i Jesus, aw metostos se kanak dengeg.”

Juan 3:30 ပူးပေါင်းရင်းမြစ်များ

Kolasas 1:18

Sikandin se olo tadon, aw iling kidon te lawa din, so sikandin se egpengibing te kedita tadon egpemenal. Sikandin se egpemegay kenitadon te kaling pedowan, aw sikandin se tagnà neantay lekat te nematay eked palos todà kematay amon mengolo sikandin diyà te kedita te otaw meantay lekat te nematay. Yan se doun te wedad pa labi melangkaw diyà kandin,

1 Korinto 3:5

Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

Impekità 11:15

Penga niyan, mig-edop se ikepito anghil te bodyong din, aw doen medita dinineg ko kidoen te langit aw ontò dakel se kagi dan, “Se kedita te otaw te keneyonan nesakop den te peglowan te Pengolo tadon aw peglowan te Misiyas pinemallì din. Lomowan sikandin te wedad temanan.”

Juan 3:29

Se meama peipiden, yan se tekingan te bayi. Meneng se sigalak te meama peipiden, yan se megtagad kandin aw menenalan heman kandin, aw meluba se pedowan din te pegdineg din te kagi te sigalak din peipiden. Iling a heman kenyan, so nesikop den se keluba te pedowan ko te pegdineg ko te medita se otaw egtaking ki Jesus.

Juan 3:31

Se insogò dini lekat te langit, yan se ontò melangkaw diyà te kedita. Meneng se otaw dini te tanà, yan se otaw lekat dini te tanà, aw lekat heman te tanà se ipegtoladà din. Meneng se insogò dini lekat te langit, yan se ontò melangkaw diyà te kedita.