Juan 3:27 - Manobo Sarangani

²⁷ Minikagi si Juan, “Wedad mebatog te otaw singed aw isogò sikandin te Timanem.

Juan 3:27 ပူးပေါင်းရင်းမြစ်များ

Santiago 1:17

Mèpiya se kedita te ipegbowang te Timanem, aw wedad kolang niyan. Yan se ipegpemegay te Timanem mig-inang te aldaw aw bolan aw menge bitoen. Pengkey egkealin-alin se bawa te aldaw aw bolan aw bitoen, meneng eked kealin-alin se Timanem, so gayed sikandin egpemegay te mèpiya.

1 Korinto 4:7

Kenà kaw melangkaw diyà te menge doma otaw, so se kedita te nekinawà niyo, yan se imbowang te Timanem kenyo. Aw lekat te Timanem se kedita, eked kepakay aw megpelangkaw-langkaw kaw, so kenà iyan lekat te kenyo pegkeotawun.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

Mat. 25:15

Doen kwarta imbegay din diyà te teg sebad-sebad kandan tepad te kebiyasa dan. Lima melalan se imbegay din diyà te sebad otaw, aw dowa melalan se imbegay din diyà te doma otaw, aw sebad melalan se imbegay din diyà te doma otaw. Penga niyan, nesayo sikandin.

1 Timoteo 2:7

Yan se doun te ininang a sogounun i Cristo megtoladà te menge otaw kenà Judiyo, amon metaga-taga dan te keilangan memenal dan te kebenalan. Kenà kebolalaw se eg-ikegiyen ko, meneng kebenalan iyan.

Mat. 21:25

Sinu lay se simogò ki Juan amon memonyag? Timanem, aw otaw se simogò kandin?” Penga niyan, migpebelaw-belaway dan aw eden se itaba dan kandin. Minikagi dan, “Simpana tomaba kidon te Timanem se simogò ki Juan, silahen kidon din, so wedà kidon pemenal ki Juan.

Roma 12:6

Yan, so medita se kemolò te kebiyasa imbegay te Timanem diyà te teg sebad-sebad kenitadon tandà te tabang din, keilangan gemiten tadon iyan amon megpetebangay kidon. Aw binegayan kaw te Timanem te kebiyasa te pegkeliwat te kagi te Timanem, keilangan komeliwat kaw te kebenalan insalig din kenyo.

Mar. 13:34

Iling a te otaw domoton te mediyò ogpeanan. Te eked pa kesayo, doen ipunù din diyà te kedita te sineligan din, so doen inangen te teg sebad-sebad kandan te iyogan din. Megpunù heman sikandin te keilangan gayed megpeketagad se otaw egbantay te balay din.

Efeso 1:1

Se solat seini lekat kanak si Pablo. Lekat te ibeg te Timanem, siak se sebad sogounun i Jesu Cristo. Seini se solat ko diyà te kedita niyo sinakop te Timanem aw gayed egsalig diyà ki Jesu Cristo.

Galasya 1:1

Se solat seini, lekat kanak si Pablo. Siak se sebad sogounun i Cristo. Kenà otaw se simogò kanak. Kenà heman pineokit te otaw se migsogò kanak. Meneng se simogò kanak, yan si Jesu Cristo aw Timanem Amay mig-antay ki Cristo lekat te nematay.

1 Korinto 12:11

Se kelekatan te kedita te kebiyasa sìyan, yan se Espiritu Santo, aw lekat te ibeg din egpemegay diyà te teg sebad-sebad kenitadon egpemenal.

1 Korinto 3:5

Eked kepakay aw sikami si Apolos se tekingan niyo, so sogounun kay olò i Jesu Cristo aw migtoladà kay kenyo amon memenal kaw kandin. Tinoman day olò se sogò te Pengolo day.

Roma 1:5

Pineokit kandin, tinebangan a te Timanem aw ininang a din sogounun i Cristo megtoladà te kedita te otaw pengkey kenà Judiyo. Ibeg din memenal se kedita te otaw ki Cristo aw tomolò dan kandin, aw iduyun dan sikandin.

1 Korinto 1:1

Seini se solat ko, si Pablo, doma ki Sostenes, sìyan kedowa tadon te pegpemenal. Lekat te ibeg te Timanem, tinawal a din amon inangen a sebad sogounun i Jesu Cristo.

Juan 6:65

Minikagi heman si Jesus, “Yan se doun te minikagi a diyà kenyo te wedad otaw meketaking kanak singed aw onà entagen se pedowan din te Amay ko.”

Juan 10:41

Medita se otaw dimoton kandin, so minikagi dan, “Pengkey wedad kepelahan ininang i Juan Memonyagay, meneng benal se kedita te inikagi din tepad ki Jesus.”