Juan 3:26 - Manobo Sarangani

²⁶ Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Juan 3:26 ပူးပေါင်းရင်းမြစ်များ

Juan 1:7

meg-indan diyà te kedita te otaw te si Jesus se lowa te Timanem, amon memenal se kedita te otaw diyà ki Jesus pineokit te itoladà din.

Juan 12:19

Pegkità te menge Parisiyo te medita se otaw timaking ki Jesus, migpebelaw-belaway dan, “Dinaeg kidon den, so timaking kandin se kedita te otaw te keneyonan.”

Juan 11:48

Aw eked kidon pegsagda kandin, kedita te Judiyo memenal eleg kandin. Aw domineg se gobirno kidoen te Roma te doen sebad otaw megpeinang selotan amon lomowan dini, medaet iyan, so isogò dan dini se menge sondalo amon pegbàtan dan se ogpeanan tadon, aw imetayan dan heman se kedita tadon Judiyo.”

Juan 1:15

Sikandin se in-indan i Juan Memonyagay te peg-ikagi din, “Seini se otaw tapay ko in-indan kenyo, so minikagi a te doen pa otaw meketetondog kanak aw somelilin kanak. Labi pa sikandin melangkaw diyà kanak, so tapay den sikandin doen te wedà a pa tebaw.”

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 1:9

Se benal lowa, yan se dimini te keneyonan amon mekelowa te kengitngit kidoen te pedowan te kedita te otaw.

Mat. 23:7

Ibeg dan segmanen dan te doma otaw doton te pedyanan, aw ibeg dan tewalen Meistro.

Mat. 23:8

Meneng eked kepakay aw tewalen kaw Meistro te doma otaw, so telekedowa se kedita niyo aw sebad ko se meistro egtoladà kenyo.

Juan 4:1

Nayan, dinineg te menge Parisiyo te medita se otaw timaking ki Jesus aw binonyagan din labi pa medita diyà te timaking aw binonyagan i Juan Memonyagay.

Juan 4:2

Meneng se kebenalan, kenà si Jesus se nemonyag, meneng menge tinoledaan din se nemonyag.

Juan 4:31

Pegtanan te bayi ki Jesus, minikagi se menge tinoledaan din, “Sir, kaen ka den.”

Juan 5:33

Doen otaw insogò niyo amon meg-insà diyà ki Juan Memonyagay tepad kanak, aw mig-indan heman sikandin te benal tepad kanak.