Juan 3:25 - Manobo Sarangani

²⁵ Doen menge tinoledaan i Juan aw sebad Judiyo migpedindilay tepad te pegpelinis.

Juan 3:25 ပူးပေါင်းရင်းမြစ်များ

Mat. 3:11

Egpemonyag a pineokit te wayeg, so yan se pengilala te migselsel kaw den te salà ininang niyo. Meneng doen pa domateng labi pa melangkaw diyà kanak. Kenà botong se kelangkaw ko amon megtelaban a kandin pengkey mengibing a te sepatos din, so ontò sikandin melangkaw diyà kanak. Sikandin se memonyag kenyo pineokit te Espiritu Santo aw pineokit te apoy.

Mar. 7:8

Limengà kaw den te pegtolò niyo te punù te Timanem, aw gayed kaw egtaking te ketanem te otaw.”

Juan 2:6

Kidoen se enem dedakel sibolan egsolan te wayeg ipeglinis dan, so yan se ketanem te menge Judiyo. Menge lima lata se awop te teg sebad-sebad kenyan.

Menge Hebreo 6:2

Ikà niyo eg-anggà-anggà te pegsoblod niyo te kebenalan tepad te pegpebonyag tadon, aw tepad te pegkinawà tadon te Espiritu Santo, aw tepad te peg-antay te Timanem kenitadon lekat te nematay te modi aldaw, aw tepad te peg-okom din aw eden se detengan te otaw te wedad temanan.

Menge Hebreo 9:10

Olò tepad te eg-inangen te otaw se menge punù sìyan, so doen punù tepad te pegkaen, aw peg-inem, aw peglinis te pengkey eden. Keilangan toloen iyan lamig olò te aldaw te peg-inang te Timanem te kaling peokit.

Menge Hebreo 9:23

Se simbahan te menge Judiyo aw menge telepagan niyan, yan olò se impeiling te benal simbahan doton te langit. Lininisan se simbahan dini te tanà pineokit te dipanog te ayam-ayam inwilik kenyan. Meneng kidoen te simbahan doton te langit, keilangan labi pa meelagà se dipanog ilinis kenyan.

1 Pedro 3:21

Yan se pengilala tepad te pegpebonyag niyo, so impelowà kaw lekat te salà kenà tandà te peg-onaw te lawa niyo amon meabat se osing, meneng tandà te pegpemoyò niyo te Timanem te ebaten din se salà lekat te pedowan niyo. Impelowà kaw lekat te pelumun pineokit te pegkeantay i Jesu Cristo lekat te nematay.