Juan 3:21 - Manobo Sarangani

²¹ Meneng se otaw egtaking te kebenalan, yan se megpedapag diyà te kelowahan, amon ketegahan te eg-inangen din se ibeg te Timanem.

Juan 3:21 ပူးပေါင်းရင်းမြစ်များ

Juan 1:47

Pegdateng dan doton, minikagi si Jesus tepad ki Natanael, “Na, yan se benal bowad-bowad i Israel, so wedad palos ipegbolon din.”

Juan 3:20

Se otaw eg-inang te medaet, yan se eked keibeg te kelowahan, aw megpekediyò dan kidoen te kelowahan amon eked ketegahi se inang din medaet.

Juan 5:39

Gayed kaw egbasa te kagi te Timanem tapay insolat, so aneng-aneng niyo, kebegayan kaw te kaling pedowan wedad temanan pineokit te pegbasa niyo kenyan. Eg-indan se kagi te Timanem te benal tepad kanak,

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

1 Korinto 15:10

Meneng pineokit te tabang te Timanem kanak, ininang a din sogounun i Cristo. Doen detengan te tabang din kanak, so labi a pa measeb diyà te kedita te doma sogounun i Cristo te peg-inang ko. Meneng kenà lekat te kanak eneg se nebatog ko, so Timanem se migtabang kanak.

2 Korinto 1:12

Ontò a neluba, so netegahan ko te ontò metòlid se keogpà ko. Pengkey kenan a pesalo, aw labi pa doton kenyo, metòlid se keogpà ko aw mèpiya heman se tod ko kenà pineokit te kenaken kebiyasa, meneng pineokit te tabang te Timanem kanak.

Galasya 6:8

Se kelebadan niyan, aw tomolò se otaw te medaet ibeg te pedowan din, domateng diyà kandin se kemetayun wedad temanan. Meneng se otaw egbeyà-beyaan te Espiritu Santo, yan se otaw begayan din te keentayan wedad temanan.

Efeso 5:9

Aw imendayan niyo se keogpà niyo diyà te kelowahan, ketegahan iyan pineokit te mèpiya se pedowan niyo, aw metòlid se eg-inangen niyo, aw egkeseligan kaw.

Filipos 1:11

Ibeg ko, olò metòlid se inangen niyo pineokit te tabang i Jesu Cristo kenyo. Yan ipelangkaw aw iduyun se Timanem.

Filipos 2:13

so doen eg-inangen te Timanem kenyo amon meibeg kaw tomolò kandin, aw amon mekebatog kaw tomolò te ibeg din.

Kolasas 1:29

Yan se doun te ontò a egpekagsen te pegtoladà ko kenyan pineokit te kagsen imbegay te Timanem kanak.

Menge Hebreo 13:21

Yan se doun te egtawal-tawal a diyà te Timanem egpemegay te kelinaw te begayan kaw te kedita te mèpiya tabang din amon mekebatog kaw tomoman te ibeg din. Ibeg ko heman, tebangan kaw din amon meg-inang kaw te mekeluba kandin pineokit te tabang i Jesu Cristo diyà kenyo. Iduyun sikandin te wedad temanan. Metoman iyan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

1 Juan 1:6

Aw mikagi kidon te migpesigelakay kidon te Timanem, meneng egtaking kidon pa te kengitngitan aw eg-inang kidon te medaet, yan bolelawun kidon so kenà kidon egtaking te kebenalan.

3 Juan 1:11

Kedowa egkedekelan ko te pedowan, ikà eg-iling te otaw eg-inang te medaet, meneng peg-iling ka te otaw eg-inang te mèpiya. Se otaw eg-inang te mèpiya, yan se otaw migpesakop diyà te Timanem. Meneng se otaw eg-inang te medaet, yan se wedà ketaga-taga te Timanem.

Impekità 3:15

Eked ko sikiyo duyuni, so netegahan ko se eg-inangen niyo. Kenà melobos se pedowan niyo kanak, aw yan se doun te iling kaw te eg-inemen olò megebinallaw, kenà ontò megenaw aw kenà heman ontò meinit. Mèpiya peden aw iling kaw te eg-inemen ontò megenaw, aw mèpiya peden heman aw iling kaw te eg-inemen ontò meinit.