Juan 3:2 - Manobo Sarangani

² Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 3:2 ပူးပေါင်းရင်းမြစ်များ

Mat. 22:16

Penga niyan, doen menge tinoledaan dan aw menge sakop i Herod insogò dan doton ki Jesus. Minikagi dan diyà kandin, “Sir, netegahan day te kenà ka egkebolalaw. Netegahan day heman te pengkey sinu se otaw toledaan no, ontò benal se ipegtoladà no diyà kandan tepad te ibeg te Timanem.

Mat. 23:7

Ibeg dan segmanen dan te doma otaw doton te pedyanan, aw ibeg dan tewalen Meistro.

Mat. 23:8

Meneng eked kepakay aw tewalen kaw Meistro te doma otaw, so telekedowa se kedita niyo aw sebad ko se meistro egtoladà kenyo.

Mar. 12:14

Pegdateng dan doton ki Jesus, minikagi dan, “Sir, netegahan day te kenà ka egkebolalaw. Netegahan day heman te pengkey sinu se otaw toledaan nikaw, gayed ka egtoladà te kebenalan tepad te ibeg te Timanem. Nayan, doen insà day kamno. Lomàpang kidon lay te menge punù ingkeliwat i Moises aw mayad kidon te mihoras diyà te gobirno te Roma? Mepakay lay aw eked?”

Juan 1:38

Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”

Juan 10:38

Meneng aw yan se eg-inangen ko, pengkey eked kaw pemenal kanak, pemenal kaw te Timanem se eglekatan te kepelahan eg-inangen ko, amon ketegahan niyo pa te diyà kanak se Amay ko, aw diyà a te Amay ko.”

Juan 12:37

Pengkey kimità dan te ontò medita kepelahan ininang din, meneng wedà dan pa pemenal kandin.

Juan 14:10

Iling te wedà ka pemenal te diyà a te Amay ko, aw diyà heman sikandin kanak. Pengkey se eg-ikegiyen ko kenyo, kenà ko iyan egteboken, meneng yan se eg-inangen te Amay ko eg-ogpà diyà kanak.

Juan 15:24

Simpana wedà dan kità te menge kepelahan ininang ko eked keinang te doma otaw, eked dan heman petega-tegahi te doen salà dan. Meneng nebensi dan kanak aw Amay ko, pengkey kinità dan se kepelahan ininang ko.

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 20:16

Minikagi si Jesus, “Maria.” Yan siminalo si Maria diyà kandin aw minikagi te kagi te Hebreo, “Raboni.” (Se kelebadan niyan, “Menenoladà.”)

Juan 3:26

Dimoton dan ki Juan aw minikagi, “Sir, se doma no kedengan doton dipag te Jordan, sìyan in-indan no, yan se egpemonyag den ekon heman, aw medita den se otaw limengà te pegtaking dan kamno aw timaking den dan diyà kandin.”

Juan 4:31

Pegtanan te bayi ki Jesus, minikagi se menge tinoledaan din, “Sir, kaen ka den.”

Juan 5:36

Meneng doen pa meg-indan te benal labi pa keseligan diyà ki Juan, so lekat te Amay ko se kedita te kepelahan eg-inangen ko, aw yan se egpetaga-taga te ontò a insogò te Amay ko.

Juan 6:2

Ontò medita se otaw timaking kandin, so kinità dan se kepelahan ininang din te pegpegolì din te menge otaw doen mesakit.

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

Ininang 10:38

Simogò se Timanem kandin aw egbeyà-beyaan te Espiritu Santo. Pengkey peglegeb din, tinebangan din se menge otaw, aw pinegolian din se menge doma dinetengan te bosaw, so migtabang se Timanem kandin.

Ininang 2:22

“Na, menge kedomaan ko Judiyo, penenalan kaw te ikegiyen ko. Si Jesus tege Nasarit, yan se impetaga-taga te Timanem te sikandin se insogò din. Impetaga-taga din iyan pineokit te peg-inang din te inang metolos, aw kepelahan, aw ledyawan. Ontò niyo netegahan iyan so neinang iyan dini kenyo.

Filipos 1:14

Lekat te pegkeleboso kanak, labi den egsalig se keditaan te otaw egpemenal diyà te Pengolo tadon. Labi den migkagsen se ibeg dan megtoladà te kagi te Timanem, so wedad den lamit dan.