Juan 3:16 - Manobo Sarangani

¹⁶ Ontò nedekelan te Timanem te pedowan se kedita te otaw, aw yan se doun te insogò din se Batà din temisa amon eked pelumuni se kedita te otaw memenal kandin, meneng begayan dan te kaling pedowan wedad temanan.

Juan 3:16 ပူးပေါင်းရင်းမြစ်များ

Genesis 22:12

Minikagi se anghil, “Ikà egmeno te batà nikaw. Ikà egpeeleg kandin. Netegahan ko den te ontò ka egtolò te Timanem, so pengkey batà no temisa, meneng yan se ibegay no diyà kanak.”

Genesis 22:2

Minikagi se Timanem, “Petekingi se batà no temisa si Isaac ontò no egkedekelan te pedowan, aw doton kaw te tanà te Moria. Tikedeg kaw te bontod tedoan ko kamno kidoen, aw imetayi sikandin aw sonogi se lawa din, so ibegay no sikandin diyà kanak.”

Mat. 9:13

Keilangan eneng-enengen niyo aw eden se kedegdagan te kagi te Timanem seini, ‘Pengkey measeb kaw egpemegay te bowang diyà kanak, meneng labi a pa meluba aw megpeidoway kaw.’ Insogò a dini kenà amon tewalen ko se otaw eg-aneng-aneng te metòlid se eg-inangen dan, meneng insogò a dini amon tewalen ko se otaw mekesesalà.”

Mar. 12:6

Se temanan insogò din, yan se batà din egkedekelan din te pedowan, so aneng-aneng din keilangan segmanen dan se kandin batà.

Luc. 2:14

“Iduyun tadon den se Timanem doton diatas te langit. Begayan din te kelinaw te pedowan se otaw egkelubahan din dini te tanà.”

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:18

Wedad palos otaw kimità te Timanem. Meneng se Batà din temisa, yan se migpetaga-taga diyà kenitadon tepad te Amay din, so gayed dan egpedomaay.

Juan 1:29

Keeldawan niyan, kinità i Juan si Jesus migpesalo diyà kandin. Pegkità din kandin, minikagi diyà te menge otaw kidoen, “Na, yan se Nati te Karniro imbegay te Timanem, so sikandin se mengabat te salà te kedita te otaw.

Juan 10:28

Egpemegay a kandan te kaling pedowan wedad temanan, aw eked dan detengi te kemetayun. Wedad palos mekeagaw kandan diyà kanak.

Juan 3:15

Meinang iyan amon kebegayan te kaling pedowan wedad temanan se kedita te otaw memenal kanak.”

Juan 3:18

Aw memenal se otaw diyà te Batà te Timanem, eked dan pelumuni te Timanem. Meneng aw eked dan pemenal, netegahan den te metoman dan ipelumun, so wedà dan pemenal diyà te Batà te Timanem temisa.

Juan 3:36

Se otaw memenal diyà te Batà te Timanem, yan se otaw doen kaling pedowan wedad temanan. Meneng se otaw eked tolò te kagi te Batà te Timanem, yan se otaw eked begayi te kaling pedowan, meneng detengan dan te pelumun te Timanem te wedad temanan.

Juan 6:40

Meibeg se Amay ko te begayan te kaling pedowan wedad temanan se kedita te otaw nengemahà aw nemenal kanak, aw entayen ko dan te temanan aldaw.”

Roma 5:10

Pengkey poon kidon te Timanem, meneng pineokit te pegkematay te Batà din, migsebad kidon den kandin. So migsebad kidon den kandin, yan netegahan tadon den heman te ontò kidon ipelowà lekat te pelumun pineokit te pegkeantay i Cristo lekat te nematay.

Roma 5:8

Meneng impetaga-taga te Timanem kenitadon te ontò dakel se pedowan din kenitadon, so dalem pa te eg-inang kidon te salà, insogò din si Jesu Cristo aw inimetayan sikandin amon megpelowà kenitadon lekat te pelumun.

Roma 8:32

Wedà din temengi se Batà din si Jesus, meneng insogò din sikandin simelilin kenitadon aw nematay amon megtabang kenitadon. Aw iling kenyan se keido din kenitadon, ibegay din heman se kedita te kelidoan tadon.

Efeso 2:4

Meneng ontò kidon neidowan te Timanem, aw ontò kidon din nedekelan te pedowan,

2 Tesalonika 2:16

Ibeg day, entagen se pedowan niyo aw tebangan kaw te Pengolo tadon si Jesu Cristo aw Amay tadon Timanem amon mèpiya se kedita te inangen niyo aw ikegiyen niyo. Dakel se pedowan te Timanem kenitadon, aw pineokit te tabang din kenitadon neantag den se pedowan tadon wedad temanan, aw mèpiya den heman se pegpeliman tadon.

Tito 3:4

Meneng pegpetaga-taga te Timanem egpelowà kenitadon te keido din aw kedakel te pedowan din kenitadon,

Menge Hebreo 2:9

Meneng netegahan tadon te timoman si Jesus limowan. Pegpekeotaw din, neinang sikandin medanà diyà te menge anghil te wedà kenamay, amon somelilin sikandin kenitadon aw matay doton te kros tandà te keido te Timanem kenitadon. Pineokit te pegkematay din, ininang sikandin te Timanem ontò melangkaw.

1 Juan 3:1

Netegahan tadon den te ontò dakel se pedowan te Timanem Amay kenitadon, so iningedanan kidon din menge batà din, aw yan se ininang din kenitadon. Meneng se menge otaw kenà egtaking te Timanem, wedà dan pemenal te batà kidon te Timanem, so wedà dan pa pemenal te Timanem.

1 Juan 4:19

Doen dakel pedowan tadon so monà kidon nedekelan te Timanem te pedowan.