Juan 3:14 - Manobo Sarangani

¹⁴ “Gebii te pegkegelà te menge Judiyo lekat te pegtongkà te menge memokan kidoen te kebigtilan, ininang i Moises se memokan lekat te galang, aw insawol din iyan kidoen te kayo intollok amon eked kematay se otaw tomengteng kenyan. Iling heman kenyan, siak Timanem Migpekeotaw se isawol kidoen te kayo itollok.

Juan 3:14 ပူးပေါင်းရင်းမြစ်များ

Juan 8:28

Minikagi si Jesus, “Penga te pegsawol niyo te Timanem Migpekeotaw kidoen te kayo intollok, yan ketegahan niyo te benal se inikagi ko tepad te pegkeotawun ko. Ketegahan niyo heman te wedà ko teboki se pegtoladà ko, meneng ipegtoladà ko se intoladà te Amay ko kanak.

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

Mat. 26:54

Meneng simpana tebangan a dan, eked den ketoman se kagi te Timanem insolat gebii te metoman a detengan te kelimahan.”

Luc. 24:20

Meneng se menge pengolo te simbahan aw menge obanen te Judiyo, impedakep dan sikandin te gobirno, aw penga niyan inimetayan dan sikandin inlansang diyà te kros.

Mat. 8:20

Meneng minikagi si Jesus, “Mèpiya pa se menge menenanap te kebenesan, so doen ogpeanan dan. Mèpiya pa heman se menge manok, so doen heman embonganan dan. Meneng melima aw tomaking ka kanak Timanem Migpekeotaw, so wedad palos ibatan ko te delem.”

Juan 6:51

Siaken se kànen insogò dini lekat te langit mekebegay te kaling pedowan. Aw komaen se otaw te kànen seini, wedad temanan te pedowan din. Se kànen seini ibegay ko, yan se onod ko, amon mekekinawà se kedita te otaw te kaling pedowan.”

Juan 18:32

Neinang iyan amon metoman se inikagi i Jesus tepad te keokit te pegkematay din.