Juan 21:5 - Manobo Sarangani

⁵ Timawal si Jesus kandan, “Elew, doen neabat niyo?” Timaba dan, “Wedad palos.”

Juan 21:5 ပူးပေါင်းရင်းမြစ်များ

Mat. 14:15

Pegkeapon niyan, dimoton se tinoledaan din kandin, aw minikagi dan, “Ontò ini kebigtilan, aw agpet den delem. Pekeseyowi se kedita te otaw doton te lonsod amon mayad dan te kànen dan.”

Mar. 8:7

Doen heman pilabok ikan dedeitek. Migpesiontong heman si Jesus diyà te Timanem kenyan, aw impeteped din heman iyan diyà kandan.

Filipos 4:19

Wedad temanan te keyemanan te Timanem egseligan ko, aw begayan kaw din te kedita te kelidoan niyo tandà te pegpesakop niyo diyà ki Jesu Cristo.

Menge Hebreo 13:5

Ikà niyo egpengewarta. Keilangan meluba kaw te kedònan neabat niyo, so minikagi se Timanem, “Eked a palos tanan kenyo. Eked a palos lowat kenyo.”

1 Juan 2:13

Menge obanen, simolat a den kenyo so ibeg ko megpeaneng-aneng a kenyo te egtaking kaw den ki Cristo tapay doen gebii te wedad pa keneyonan. Menge kaling otaw, simolat a den kenyo so ibeg ko megpeaneng-aneng a kenyo te dimaeg kaw den ki Satanas. Menge batà ko te pegpemenal, simolat a kenyo so ibeg ko megpeaneng-aneng a kenyo te egtaking kaw den diyà te Timanem Amay.

1 Juan 2:18

Menge batà ko te pegpemenal, agpet den se temanan te keneyonan. Tapay niyo dinineg te doen pa sebad otaw domateng mato ki Cristo aw megpelangkaw-langkaw peden diyà kandin. Doen medita eg-ato ki Cristo dimateng den, aw yan netegahan tadon te agpet den se temanan te keneyonan.