Juan 21:22 - Manobo Sarangani

²² Timaba si Jesus, “Simpana ibeg ko eked sikandin kematay lamig te aldaw te peglikò ko, wedad labut no kenyan. Meneng keilangan gayed ka tomaking kanak.”

Juan 21:22 ပူးပေါင်းရင်းမြစ်များ

Mat. 16:24

Penga niyan, minikagi si Jesus diyà te menge tinoledaan din, “Aw meibeg se otaw tomaking kanak, keilangan megsagda sikandin te ibeg te pedowan din, aw tomayod te kelimahan te kelikit te aldaw pengkey imetayan sikandin, aw keilangan ontò tomaking kanak.

Mat. 24:27

so ontò metaen se peglikò ko iling te kilem ontò somiblat doton te kebelad te langit, aw kitaen te kedita te otaw. Iling kenyan se pegdateng ko Timanem Migpekeotaw.

Mat. 24:3

Wedà kenamay, dimoton si Jesus te bontod te Olibo aw nenenoo kidoen. Dimoton se menge tinoledaan din kandin te wedad doma dan, aw mig-insà dan, kagi dan, “Indani kay. Kano lay ketoman se in-indan nikaw? Eden lay se pengilala kitaen day amon ketegahan day te agpet ka lomikò aw agpet heman se temanan te keneyonan?”

Mat. 24:44

Keilangan gayed kaw heman megpeketagad, so domateng a Timanem Migpekeotaw te eked niyo ketegahi aw kano.”

Mat. 25:31

“Aw lomikò a Timanem Migpekeotaw amon lomowan a, tekingan a te kedita te anghil. Penga niyan, menenoo a kidoen te melangkaw onsedanan te peglowan amon meg-okom a te kedita te otaw

Mat. 8:22

Meneng minikagi si Jesus, “Keilangan tomaking ka den kanak, so mèpiya aw otaw wedad kaling pedowan se meglebeng te menge doma dan nematay.”

Mar. 9:1

Minikagi heman si Jesus, “Eneng-enengi niyo se kagi ko kenyo seini. Doen otaw dini kenyo eked kematay singed aw onà dan komità te pegtebò te peglowan te Timanem metolos.”

Juan 21:19

Yan se inikagi i Jesus amon ipetaga-taga din kandin aw eden se keokit te pegkematay i Pedro amon iduyun se Timanem. Penga niyan, minikagi si Jesus, “Gayed ka taking kanak.”

Juan 21:21

Na, pegkità i Pedro kandin, mig-insà sikandin, “Pengolo, eden lay heman se domateng kwani kandin?”

1 Korinto 11:26

Yan dalem te eked pa likò se Pengolo, kelikit te pegkaen niyo te pan aw peg-inem niyo diyà te tabò, ipetaga-taga niyo te nematay se Pengolo amon megpelowà kenyo.

1 Korinto 4:5

Yan ikà niyo eg-okom te eg-inangen te doma otaw, so wedà pa dateng se aldaw te peg-okom. Aw lomikò se Pengolo, ipetaga-taga din se kedita, sìyan wedà tadon pa ketegahi. Ipetaga-taga din heman se kedita te aneng-aneng te otaw, aw penga niyan, iduyun te Timanem se teg sebad-sebad otaw doen ontong.

1 Tesalonika 2:19

Ibeg ko lomaoy a doton kenyo so pineokit kenyo doen egpelimanan day, aw doen keluba day. Aw komità kay te Pengolo tadon si Jesus te peglikò din, eked kay keyàyà tepad kenyo,

Santiago 5:7

Nayan menge kedowa ko, mèpiya aw melayat se pedowan niyo lamig te peglikò te Pengolo tadon, so metoman din dan ipelumun. Netegahan niyo te melayat se pedowan te otaw megtagad te odan amon menanem te benì, so doen ontong niyan pelimanan din aw megketesan.

Santiago 5:8

Keilangan melayat heman se kenyo pedowan. Pegpekagsen kaw, so lomikò se Pengolo te eked kenamay.

Impekità 1:7

Na, lomikò si Jesu Cristo domaan te labon. Kitaen te kedita te otaw se pegdateng din, aw komità heman kandin se kedita te otaw nengimatay kandin. Megmatay se otaw te kedita te pongan dini te keneyonan tandà te puluk te pedowan dan, so sikandin se megpelumun kandan. Ontò iyan benal. Metoman iyan.

Impekità 2:25

meneng keilangan tiboken niyo se pegsalig niyo diyà kanak lamig te peglikò ko.

Impekità 22:20

Si Jesus se netaga-taga te benal se kedita te insolat ko, aw minikagi sikandin, “Ontò a lomikò te eked kenamay.” Metoman iyan. E Jesus, Pengolo ko, ibeg ko lomikò ka den.

Impekità 22:7

Minikagi se Pengolo, “Na, lomikò a te eked kenamay.” Ontò meluba se kedita te otaw tomolò te kagi ingkeliwat pineokit te libro seini.

Impekità 3:11

Na, lomikò a te eked kenamay. Tiboki niyo se pegsalig niyo diyà kanak amon wedad mekeagaw te ontong intagò kenyo.