Juan 21:2 - Manobo Sarangani

² Netipon kidoen se menge tinoledaan i Jesus. Se kedita dan si Simon, se doma ngadan din si Pedro, aw si Tomas, se doma ngadan din si Pingin, aw si Natanael tege Kana sakop te Galiliya, aw sìyan didowa batà i Sebedeo, aw dowa heman se doma tinoledaan i Jesus.

Juan 21:2 ပူးပေါင်းရင်းမြစ်များ

Juan 4:46

Limikò si Jesus doton te lonsod te Kana sakop te Galiliya. Yan se lonsod ininangan din te kepelahan, so binaloy din bino se wayeg kidoen. Doton te doma lonsod te Kapirnaom, doen sebad opisyal te gobirno te Roma, aw nesekitan se batà din.

Juan 1:45

Penga niyan, nengemahà si Felipe ki Natanael aw minikagi, “Kinità day se otaw impakang i Moises aw menge doma telekeliwat te kagi te Timanem te pegsolat dan gebii. Yan se tege Nasarit si Jesus, batà i Jose.”

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 11:16

Si Tomas, se doma ngadan din si Pingin, minikagi diyà te menge doma tinoledaan, “Tomaking kidon te Pengolo pengkey imetayan kidon heman doma din.”

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Luc. 5:10

Nepela heman se kedomaan din kidoen te doma belangay si Santiago aw si Juan, didowa batà i Sebedeo. Minikagi si Jesus diyà ki Simon, “Ikà egkelemitan. Lekat seini, kenà ikan se meabat no, meneng otaw den se ibingen no diyà kanak.”

Mat. 10:3

aw si Felipe, si Bartolome, si Tomas, si Mateo sìyan iskribinti, aw si Santiago batà i Alfeo, si Tadeo,

Mar. 1:19

Penga niyan, dimeleg si Jesus te kenà mediyò, aw kinità din si Santiago aw adi din si Juan didowa dan batà i Sebedeo. Kidoen dan te belangay aw migtigmes dan te pokot.

Juan 2:1

Te iketelo te aldaw, doen peipid kidoen te Kana sakop te probinsya te Galiliya. Timanod se inay i Jesus te peipid.