Juan 21:15 - Manobo Sarangani

¹⁵ Penga te pegkaen dan, mig-insà si Jesus diyà ki Pedro, “Simon, batà i Juan, pengkey dakel se pedowan te menge doma no kanak, labi lay pa dakel se kamno pedowan kanak?” Timaba si Pedro, “Ee, Pengolo. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko.”

Juan 21:15 ပူးပေါင်းရင်းမြစ်များ

Genesis 33:13

Meneng minikagi si Jacob, “Akay, netegahan no te deitek pa se menge batà ko, aw keilangan megpeloway-loway se menge karniro aw baka ko doen nati. Aw pelaban megaen se pegpengibing day kenyan te olò sebad se aldaw, matay se kedita niyan.

Mat. 10:37

“Aw mikagi se otaw te dakel se pedowan din diyà kanak, meneng labi pa dakel se pedowan din diyà te amay aw inay din, eked kepakay megpesakop diyà kanak. Aw mikagi se otaw te dakel se pedowan din kanak, meneng labi pa dakel se pedowan din diyà te batà din, eked kepakay megpesakop diyà kanak.

Mat. 16:17

Minikagi si Jesus, “Simon, batà i Juan, doen ontò keluba nikaw. Kenà otaw se migpetaga-taga diyà kamno te siak se Batà te Timanem, meneng Amay ko doton te langit se migpetaga-taga kenyan diyà kamno.

Mat. 18:10

“Keilangan eked kaw peglindò te sakop ko medanà iling te kedanà te mengisù seini, so mikagi a den diyà kenyo te egtonggoan dan te menge anghil gayed egdoma te Amay ko doton te langit. [

Mat. 26:33

Minikagi si Pedro diyà ki Jesus, “Pengkey tomanan se kedita te doma kamno, meneng eked a palos tanan kamno.”

Mat. 26:35

Minikagi si Pedro, “Eked a palos pegbolon kamno, pengkey imetayan a sipat kamno.” Iling heman kenyan se inikagi te kedita te tinoledaan i Jesus.

Mar. 14:29

Minikagi si Pedro diyà ki Jesus, “Pengkey tomanan se kedita te doma kamno, meneng eked a palos tanan kamno.”

Luc. 12:32

“Ikà niyo egkelemitan. Pengkey pilabok kaw, meneng pinemallì kaw te Timanem amon megpesakop kaw diyà te peglowan din.

Luc. 22:32

Meneng migtawal-tawal a diyà te Amay ko tepad kamno amon gayed ka somalig diyà kanak. Pengkey tominàyog ka kanak te eked kenamay, meneng aw todà ka tomaking kanak, meketabang ka te menge doma no tinoledaan ko.”

Juan 1:42

Impetaking din se kakay din doton ki Jesus. Pegkità i Jesus kandin, minikagi, “Sikona si Simon, batà i Juan. Meneng ingedanan ka ki Cefas.” (Onawa se kelebadan te ngadan Cefas aw Pedro, yan se kagi “Bato.”)

Juan 13:37

Minikagi si Pedro, “Pengolo, nengà lay eked a den pekedoma kamno? Neketagad a den pengkey imetayan a tandà te pegtaking ko kamno.”

Juan 16:27

so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

Juan 21:12

Penga niyan, minikagi si Jesus, “Ayas kaw den, aw kaen kaw.” Wedad tinoledaan mig-insà ki Jesus aw sinu sikandin, so netegahan den dan te sikandin se Pengolo.

Juan 21:7

Sìyan tinoledaan ontò nedekelan i Jesus te pedowan, yan se minikagi diyà ki Pedro, “Sikandin se Pengolo.” Pegketaga-taga i Pedro kenyan, nenaol sikandin so wedad saol din te nemokot. Kimahang sikandin doton te lanaw amon ayas domateng doton te kilid.

Juan 8:42

Minikagi si Jesus, “Simpana Timanem se amay niyo, yan kedekelan a niyo peden te pedowan, so pegdini ko, Timanem se linekatan ko. Dimini a kenà lekat te kanak ibeg, meneng insogò a din dini.

Ininang 20:28

Pekeimanday kaw. Pegtonggò kaw te kedita te otaw egpemenal, so Espiritu Santo se miggulal kenyo egpengibing amon mengibing kaw kandan. Ininang kidon din sakop din pineokit te pegkematay i Jesus.

Ininang 20:29

Netegahan ko te doen kwani otaw domateng dini kenyo amon meg-akal dan kenyo, aw kebàtan dan se pegsalig niyo diyà te Timanem.

Roma 14:1

Nayan, peekopi niyo se otaw migpesakop diyà ki Cristo pengkey wedà pa ontò ketaga-taga te kebenalan. Pengkey sebad se aneng-aneng din tepad te pegpenimanem, ikà niyo egdindil kandin.

Roma 15:1

Nayan, sikitadon menge otaw netaga-taga te kebenalan, keilangan medalem se pedowan tadon diyà te menge doma tadon wedà pa ontò ketaga-taga te kebenalan. Eked kepakay aw olò kenitadon ibeg se inangen tadon.

1 Korinto 8:11

Aw yan se inangen niyo lekat te pegketaga-taga niyo te kebenalan, megkedaet se doma niyo, sìyan wedà ontò ketaga-taga te kebenalan, pengkey sikandin se kedowa niyo te pegpemenal, sìyan impelowà pineokit te pegkematay i Cristo.

Galasya 5:6

Diyà te menge otaw nemenal den ki Cristo, wedad elet diyà te otaw tinolì aw otaw wedà tolii. Onawa iyan diyà te Timanem. Meneng ibeg te Timanem, ipekità tadon te benal se pegpemenal tadon pineokit te dakel pedowan tadon.

Efeso 4:14

Aw metoman iyan, eked kidon pekeonawa te mengisù. Eked kidon pekeonawa te dagsà eg-ibingen te balud aw gayed ipegpalid te kelamag, so eked kidon pemenal te pengkey eden se itoladà te menge otaw biyasa eg-akal pineokit te kebolalaw dan.

Efeso 6:24

Ibeg ko tebangan te Timanem se kedita te otaw dakel se pedowan dan diyà te Pengolo tadon si Jesu Cristo te wedad temanan.

Menge Hebreo 13:20

Inantay te Timanem se Pengolo tadon si Jesus lekat te nematay, so pineokit te pegkematay din, ininang din se kaling peokit amon mekepedapag kidon diyà kandin te wedad temanan. Iling sikandin te Telediyaga tadon, so iling kidon te menge karniro eg-ipaten din.

Menge Hebreo 4:13

Wedad palos mekeeles diyà te Timanem, so egkitaen din se kedita, aw sikandin se meg-okom te kenitadon eg-inangen.

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.

1 Pedro 2:2

Keilangan gayed kaw meg-iling te ontò kagi te Timanem, iling te deitek batà gayed egkeibeg somoso. Pineokit te peg-iling niyo te kagi te Timanem, megketesan se pegsalig niyo diyà kandin,

1 Pedro 2:25

Kedengan, iling kaw te menge ayam-ayam karniro egketading. Meneng songkani, timaking kaw den ki Cristo biyasa egpengibing aw eg-ipat kenyo.

1 Juan 4:19

Doen dakel pedowan tadon so monà kidon nedekelan te Timanem te pedowan.

1 Juan 5:1

Se kedita te otaw nemenal te si Jesus se Misiyas, yan se menge batà te Timanem. Aw dakel se pedowan tadon te Timanem Amay, dakel heman se pedowan tadon te kedita te menge batà din.

Impekità 2:23

Imetayan ko se kedita te tinoledaan din, amon ketegahan te kedita te otaw egpemenal te siak se netaga-taga te kedita kidoen te pedowan niyo, aw begayan ko se teg sebad-sebad kenyo te ontong tepad te ininang niyo.