Juan 21:12 - Manobo Sarangani

¹² Penga niyan, minikagi si Jesus, “Ayas kaw den, aw kaen kaw.” Wedad tinoledaan mig-insà ki Jesus aw sinu sikandin, so netegahan den dan te sikandin se Pengolo.

Juan 21:12 ပူးပေါင်းရင်းမြစ်များ

Mat. 22:46

Meneng wedad palos otaw neketaba kandin. Lekat te aldaw sìyan, wedad palos otaw migtelaman mig-insà kandin.

Mar. 9:32

Meneng wedà dan ketegahi aw eden se kedegdagan te inikagi din sìyan, meneng wedad mig-insà kandin tepad kenyan, so neyàyà dan.

Luc. 9:45

Meneng wedà dan ketegahi aw eden se kedegdagan te inikagi din sìyan, so wedà iyan keinang mebangal amon eked dan iyan kelebeti. Meneng wedad otaw mig-insà kandin tepad kenyan, so neyàyà dan.

Juan 16:19

Netaga-taga si Jesus te doen insaen dan peden kandin, aw yan minikagi sikandin, “Migpeinsaay kaw den tepad te kedegdagan te inikagi ko gina, te eked kenamay, eked a niyo den kitai, aw penga niyan te eked kenamay, todà a niyo kitaen.

Juan 21:11

Yan nenayit si Pedro diyà te belangay aw inanggin din se pokot. Nepenò iyan te dedakel ikan, sebad gatos keliman teg telo se kedita niyan. Pengkey ontò medita se ikan, meneng wedà kelisì se pokot.

Juan 21:15

Penga te pegkaen dan, mig-insà si Jesus diyà ki Pedro, “Simon, batà i Juan, pengkey dakel se pedowan te menge doma no kanak, labi lay pa dakel se kamno pedowan kanak?” Timaba si Pedro, “Ee, Pengolo. Netegahan no te ontò dakel se pedowan ko kamno.” Minikagi si Jesus, “Peg-ipat ka te menge sakop ko.”

Juan 4:27

Dalem pa te peg-ikagi i Jesus kandin, dimateng se menge tinoledaan din. Ontò dan nepela te minikagi si Jesus diyà te bayi. Meneng wedad palos mig-insà aw eden se ibeg te bayi kandin. Wedà dan heman peg-insà te nengà lay minikagi si Jesus diyà kandin.

Ininang 10:41

Wedà sikandin kitai te kedita te otaw, meneng sikami pinemallì te Timanem se kimità kandin, aw kimaen kay doma kandin penga te pegkeantay din lekat te nematay.