Juan 20:29 - Manobo Sarangani

²⁹ Minikagi si Jesus, “Nemenal ka den so kimità ka den kanak. Meneng labi pa meluba se menge otaw memenal pengkey wedà dan kità kanak.”

Juan 20:29 ပူးပေါင်းရင်းမြစ်များ

Mat. 13:16

“Meneng doen den keluba niyo, so kimità kaw den aw dimineg kaw den te kebenalan.

Luc. 1:45

Doen den keluba nikaw, so nemenal ka te metoman se kagi ingkeliwat diyà kamno lekat te Pengolo.”

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 20:8

Penga niyan, minawop heman se tinoledaan nekeonà dimateng. Pegkità din te kedita niyan, nemenal sikandin te ontò benal neantay si Jesus lekat te nematay,

Juan 4:48

Minikagi si Jesus, “Aw wedad pengilala aw kepelahan kitaen niyo, eked kaw pemenal kanak.”

2 Korinto 5:7

meneng songkani kenà ko egkitaen se egtekingan ko, meneng egtekingan ko se pinemenalan ko.

Menge Hebreo 11:1

Nayan, aw somalig kidon diyà te Timanem, ketegahan tadon te metoman kidon mekekinawà te mèpiya egpelimanan tadon, aw ketegahan tadon heman te benal doen mèpiya wedà tadon pa kitai.

Menge Hebreo 11:27

Simalig sikandin diyà te Timanem, aw yan pegkesayo din lekat te Ehipto, wedà sikandin kelemitan te meopal se selotan kandin. Gayed sikandin egsalig diyà te Timanem so iling te egkitaen din se Timanem kenà egkitaen.

Menge Hebreo 11:39

Pengkey induyun te Timanem se kedita te otaw sìyan so simalig dan diyà kandin, meneng wedà dan pa pekekinawà te impakang te Timanem,

1 Pedro 1:8

Pengkey wedà kaw palos kità ki Jesus, meneng dakel se pedowan niyo kandin. Pengkey wedà kaw kità kandin, meneng nemenal kaw kandin, aw yan se doun te ontò neluba se pedowan niyo, aw eked iyan kelitok te kagi.