Juan 20:25 - Manobo Sarangani

²⁵ Yan minikagi se doma tinoledaan diyà ki Tomas, “Migpekità se Pengolo kenami.” Meneng minikagi si Tomas, “Eked a pemenal te neantay sikandin lekat te nematay singed aw onà ko kitaen se palì te lansang diyà te belad din, aw isawol ko se intetodò ko diyà te awang niyan, aw ilamen ko heman se kilid din.”

Juan 20:25 ပူးပေါင်းရင်းမြစ်များ

Juan 6:30

Mig-insà dan heman, “Eden lay se pengilala ipekità no kenami amon memenal kay kamno? Eden lay se inangen no kenami?

Mar. 16:11

Pegdineg dan te neantay den si Jesus lekat te nematay aw kinità din den sikandin, wedà dan pemenal kenyan.

Menge Hebreo 3:18

Migpakang se Timanem tepad kandan, “Eked ko dan palos peogpai doma ko doton te mèpiya ogpeanan impetagad ko.” Yan se punù te Timanem tepad kandan, so wedà dan tolò kandin.

Menge Hebreo 3:12

Yan menge kedowa ko, peg-ahà kaw amon wedad palos otaw doton kenyo medaet se pedowan aw eked tolò, aw amon wedad somoway lekat te Timanem wedad temanan.

Juan 21:7

Sìyan tinoledaan ontò nedekelan i Jesus te pedowan, yan se minikagi diyà ki Pedro, “Sikandin se Pengolo.” Pegketaga-taga i Pedro kenyan, nenaol sikandin so wedad saol din te nemokot. Kimahang sikandin doton te lanaw amon ayas domateng doton te kilid.

Juan 1:41

Pegketà nengemahà si Andres te kakay din si Simon, aw minikagi sikandin, “Kinità day se Misiyas.” (Se kedegdagan niyan, “Cristo.”)

Luc. 24:25

Penga niyan, minikagi si Jesus, “Tay law. Nepela a kenyo, so wedà kaw pa pemenal te kedita te inikagi te menge telekeliwat te kagi te Timanem gebii.

Mat. 27:42

“Migtabang sikandin te menge doma otaw netigdaan amon eked dan pa kematay. Meneng eked den sikandin peketabang te kandin pegkeotawun amon eked kematay. Minikagi sikandin te sikandin se Selotan te menge bowad-bowad i Israel. Eked kidon pemenal te kagi din singed aw tomenà sikandin lekat te kros.

Mar. 16:13

Pegkilala dan kandin, limikò dan doton te Jerusalem, aw mig-indan dan diyà te menge doma tinoledaan din. Meneng wedà dan pa pemenal kandan.

Mar. 16:14

Penga niyan, migpekità si Jesus diyà te sempolò tegusà tinoledaan din dalem te pegpengaen dan. Simila sikandin kandan so wedà dan pemenal aw magsen se olo dan, so wedà dan pemenal te kagi te menge otaw kimità kandin penga te pegkeantay din lekat te nematay.

Juan 20:27

Penga niyan, minikagi sikandin diyà ki Tomas, “Soli se intetodò no dini. Tengtengi se belad ko. Ilami heman se kilid ko. Ikà egdowa-dowa, meneng pemenal ka kanak.”