Juan 20:22 - Manobo Sarangani

²² Penga te peg-ikagi din kenyan, mig-edop sikandin diyà kandan aw minikagi, “Domateng se Espiritu Santo kenyo.

Juan 20:22 ပူးပေါင်းရင်းမြစ်များ

Genesis 2:7

Penga niyan, inabat te Timanem se tanà, aw yan se ginamit din te pegtiyon din te otaw. Penga niyan, inedop din se idong te otaw, aw yan binegayan din se otaw te pedowan.

Ininang 19:2

Mig-insà si Pablo, kagi din, “Pegpemenal niyo te Timanem, dimateng lay se Espiritu Santo diyà kenyo?” Timaba dan, “Wedà, so wedà kay toledai tepad te Espiritu Santo.”

Ininang 8:15

Pegdateng dan doton, migtawal-tawal dan diyà te Timanem amon domateng se Espiritu Santo kandan,

Ininang 2:38

Timaba si Pedro, “Pegselsel kaw te salà niyo. Pegpebonyag kaw tandà te pegpemenal niyo ki Jesu Cristo. Aw memenal kaw, pegwedaden te Timanem se salà niyo, aw Espiritu Santo se ibegay kenyo.

Ininang 2:4

Yan dimateng se Espiritu Santo kandan. Nekeikagi den dan te medita kemolò kagi te doma otaw wedà dan peg-ilingi, so impeikagi dan te Espiritu Santo.

Juan 7:39

Se inikagi din tepad te wayeg, yan se tegdeyanan din tepad te Espiritu Santo ibegay diyà te kedita te otaw memenal kandin. Meneng wedà pa dateng se Espiritu Santo kandan, so wedà pa pegpeengat si Jesus doton te langit.

Galasya 3:2

Netegahan niyo den te nekekinawà kaw te Espiritu Santo kenà pineokit te pegtolò niyo te punù ingkeliwat i Moises. Meneng nekekinawà kaw te Espiritu Santo pineokit te pegpemenal niyo te intoladà ko tepad ki Jesus.

Ininang 4:8

Penga niyan, tinebangan te Espiritu Santo si Pedro aw yan minikagi, “Menge egpengibing aw obanen te simbahan,

Ininang 10:47

“Dimateng den heman se Espiritu Santo diyà kandan onawa te pegdateng din diyà kenitadon. Wedad den belabag te pegbonyag kandan.”

Juan 15:26

“Isogò ko dini kenyo se Teletabang lekat te Amay ko. Yan se Espiritu Santo megtoladà kenyo te kebenalan. Aw domateng sikandin lekat te Amay ko, meg-indan sikandin te kebenalan tepad kanak.

Juan 14:16

Memoyò a diyà te Amay ko amon memegay kenyo te Teletabang somelilin kanak, aw meg-ogpà sikandin kidoen kenyo te wedad temanan.

Juan 16:7

Meneng seini se kebenalan. Begayan kaw pa te kèpiya pineokit te pegkesayo ko, so simpana eked a kesayo, eked dateng se Teletabang diyà kenyo. Meneng aw mesayo a, somogò a kandin diyà kenyo.

Juan 20:21

Penga niyan, todà minikagi si Jesus, “Ibeg ko melinaw se pedowan niyo. Iling te pegsogò te Amay ko kanak, yan isogò ko den heman sikiyo.”

Juan 20:23

Aw pegwedaden niyo se salà te doma otaw, pegwedaden iyan te Timanem. Meneng aw eked niyo pegwedadi se salà te doma otaw, eked iyan pegwedadi te Timanem.”