Juan 20:20 - Manobo Sarangani

²⁰ Penga niyan, impekità din diyà kandan se menge palì diyà te belad din aw kilid din. Ontò neluba se menge tinoledaan din te pegkità dan te Pengolo.

Juan 20:20 ပူးပေါင်းရင်းမြစ်များ

Juan 16:22

Iling kaw heman kenyan, so pengkey melidò kaw den, meneng todà kaw komità kanak. Todà heman meluba se pedowan niyo, aw wedad otaw mekeabat te keluba kidoen kenyo.

1 Juan 1:1

Gebii te wedà pa inangi se keneyonan, tapay den doen si Cristo iningedanan Kagi te Timanem. Sikandin se egpemegay te kaling pedowan wedad temanan. Pegpekeotaw din dini te tanà, dinineg day se kagi din, aw ontò day heman sikandin kinità, aw pinemàdan day heman sikandin.

Juan 20:27

Penga niyan, minikagi sikandin diyà ki Tomas, “Soli se intetodò no dini. Tengtengi se belad ko. Ilami heman se kilid ko. Ikà egdowa-dowa, meneng pemenal ka kanak.”

Juan 16:20

Eneng-enengi niyo se ikegiyen ko den diyà kenyo. Megkelag aw megmatay kaw tepad kanak, meneng meluba se medaet otaw dini te keneyonan. Pengkey melidò kaw, meneng todà kaw meluba.

Juan 19:34

Meneng doen sebad sondalo nenogseng te kilid din te dilek, aw yan dimelog se dipanog aw wayeg lekat te kilid din.

Mat. 28:8

Penga niyan, migpekegaen dan se nesayo lekat te lebeng. Pengkey nelemitan dan, meneng ontò heman neluba se pedowan dan. Kimagnan dan amon meg-indan dan kenyan diyà te menge tinoledaan i Jesus.

Juan 20:25

Yan minikagi se doma tinoledaan diyà ki Tomas, “Migpekità se Pengolo kenami.” Meneng minikagi si Tomas, “Eked a pemenal te neantay sikandin lekat te nematay singed aw onà ko kitaen se palì te lansang diyà te belad din, aw isawol ko se intetodò ko diyà te awang niyan, aw ilamen ko heman se kilid din.”