Juan 20:16 - Manobo Sarangani

¹⁶ Minikagi si Jesus, “Maria.” Yan siminalo si Maria diyà kandin aw minikagi te kagi te Hebreo, “Raboni.” (Se kelebadan niyan, “Menenoladà.”)

Juan 20:16 ပူးပေါင်းရင်းမြစ်များ

Juan 10:3

Aw mawop se pengolo diyà te kelokob, meg-owang kandin se otaw egtonggò te tetakep te kelokob. Se menge karniro din doton didalem, yan se nenadam te kagi din. Tewalen din se menge ngadan dan, aw tomaking dan heman kandin pesalo doton te lowà.

Juan 1:38

Pegbiling i Jesus, kinità din te timaking dan kandin, aw mig-insà, “Eden lay se pinengemahà niyo?” Timaba dan, “Rabi.” (Se kelebadan niyan, “Menenoladà.”) “Kenan ka lay peg-ogpà?”

Ininang 10:3

Menge alas tris te meapon, doen kinità din ontò melowa. Migpekità diyà kandin se anghil te Timanem aw minikagi, “E Cornelio.”

Ininang 9:4

Nekelangkeb sikandin diyà te tanà aw doen dinineg din minikagi, “E Saulo, nengà lay egpemilang ka kanak?”

Juan 6:25

Pegdateng dan doton te Kapirnaom, kinità dan si Jesus, aw mig-insà dan, “Sir, kano ka lay dini?”

Genesis 22:11

Meneng timawal se anghil te Timanem diyà kandin lekat te langit, “E Abraham, Abraham.” Timaba sikandin, “Seini a.”

Juan 20:28

Meneng olò minikagi si Tomas, “Sikona se Pengolo ko. Sikona se Timanem ko.”

Juan 13:13

Eg-ikagi kaw te siak se Menenoladà, aw egtewalen a niyo Pengolo. Neketotok iyan, so ontò a Pengolo niyo, aw egtoladà a kenyo.

Juan 11:28

Penga te peg-ikagi i Marta kenyan, minolì sikandin amon mangay te adi din si Maria. Minikagi sikandin te wedad doma otaw dimineg, “Dimateng den se Menenoladà, aw impeangay ka din.”

Juan 5:2

Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 1:49

Minikagi si Natanael, “Sir, sikona se ontò Batà te Timanem. Ontò sikona se selotan impakang amon lomowan diyà kenami menge bowad-bowad i Israel.”

Luc. 10:41

Meneng timaba se Pengolo, “Tay law, Marta. Pelaban ka netetana tepad te medita eg-inangen nikaw.

Mat. 14:27

Meneng pegketà timawal si Jesus, “Peseligi niyo se pedowan niyo, so siaken ini. Ikà niyo egkelemitan.”

Genesis 45:12

Minikagi heman si Jose, “Nayan, kedita niyo menge kakay ko, aw sikona heman Benjamin, kimilala kaw den te ontò a si Jose.

Genesis 22:1

Pegkenamay-namay, migtandà se Timanem te pegsalig i Abraham diyà kandin. Timawal se Timanem, “E Abraham.” Timaba si Abraham, “Seini a.”

Mar. 10:51

Pegdateng din doton, minikagi si Jesus, “Eden lay se ibeg no inangen ko kamno?” Minikagi se otaw bota, “Sir, ibeg ko, todà a komità.”