Juan 20:1 - Manobo Sarangani

¹ Nayan, te wedà pa libtak se aldaw te iselem te Linggo, ontò limapos si Maria tege Magdala dimoton te lebeng i Jesus. Kinità din se lebeng din neowang so tapay den nekelid se dakel bato insampeng.

Juan 20:1 ပူးပေါင်းရင်းမြစ်များ

Mar. 16:9

Nayan, penga te pegkeantay i Jesus lekat te nematay te iselem te Linggo, si Maria tege Magdala se tagnà pinekitaan i Jesus. Sikandin se tapay pinelowaan i Jesus te pito se bosaw.

Mat. 27:60

Doen lebeng kaling impeawang i Jose diyà te pangpang, aw yan se linebengan din te lawa i Jesus. Penga niyan, kinelid din se dakel bato amon isampeng te lebeng. Penga niyan, nesayo sikandin.

Mar. 15:46

Penga niyan, bineyadan din se sapot, aw inabat din se lawa lekat te kros, aw ginakes din iyan te sapot, aw inlebeng din kidoen te lebeng impeawang diyà te pangpang. Penga niyan, kinelid din se dakel bato amon isampeng te lebeng.

Juan 20:26

Penga te sebad simana, todà netipon se menge tinoledaan i Jesus doton te balay, aw kidoen heman si Tomas doma dan. Netakep se lelebangan, meneng pegketà dimateng si Jesus timindeg diyà te tengà-tengà dan, aw minikagi, “Ibeg ko melinaw se pedowan niyo.”

Juan 19:25

Yan se ininang te menge sondalo. Dalem niyan, doen menge bayi timindeg kidoen medapag te kros linensangan ki Jesus. Yan se inay din, aw kedowa te inay din, aw esawa i Clopas si Maria, aw si Maria tege Magdala.

Impekità 1:10

Aldaw te Linggo te pegsimba diyà te Pengolo tadon, doen impekità te Espiritu Santo dimateng kanak. Doen dinineg ko minikagi kidoen te getan ko. Iling te peg-edop te bodyong se peg-ikagi din, so ontò dakel.

Mat. 27:64

Yan mèpiya aw isogò no se menge sondalo megtonggò te lebeng din te telo se aldaw, amon eked ketakaw te menge tinoledaan din se lawa din lekat te lebeng. Yan eked dan pekeindan te neantay den sikandin lekat te nematay. Medita den se otaw neekalan te sikandin se Misiyas, meneng labi pa medaet aw keekalan dan te neantay den sikandin lekat te nematay.”

1 Korinto 16:2

Seini se inangen niyo. Kelikit te Linggo, itagò te teg sebad-sebad kenyo se kwarta ibegay lekat te neabat niyo te monà simana, amon tapay meketagad se ibowang niyo aw lomaoy a todà kidoen kenyo.

Ininang 20:7

Pegkedelem te Sebado, netipon se kedita day amon megbelà-belà te pan iling te pegtoladà i Jesus kedengan. Timetoo si Pablo migtoladà lamig te tengà te delem, so ibeg din mesayo te keeldawan niyan.

Mat. 27:56

Sikandan si Maria tege Magdala, aw kesangay din si Maria inay i Santiago aw si Jose, aw sìyan esawa i Sebedeo, aw doen heman menge doma dan.

Mat. 27:66

Penga niyan, dimoton dan te lebeng aw impeket dan se pengilala diyà te dakel bato insampeng kenyan amon wedad otaw meg-owang kenyan. Penga niyan, tinonggoan iyan te menge sondalo.

Mat. 28:1

Nayan, penga te aldaw te peg-etod, te wedà pa libtak se aldaw te iselem te Linggo, dimoton si Maria tege Magdala aw kesangay din te lebeng i Jesus.

Mat. 28:2

Te wedà dan pa dateng doton, ontò miglinog, so doen anghil te Timanem dimateng lekat te langit, aw nengelid te bato insampeng te lebeng, aw nenenoo sikandin kidoen.

Juan 11:38

Pegdateng i Jesus doton te lebeng, todà neantag se pedowan din. Ilib se linebengan ki Lazaro, aw doen dakel bato insampeng diyà te awang niyan.

Juan 11:41

Penga niyan, inabat dan se bato insampeng te lebeng. Limengag si Jesus aw migtawal-tawal, “Amà, egpesiontong a te dinineg no den se pinemoyò ko kamno.