Juan 2:6 - Manobo Sarangani

⁶ Kidoen se enem dedakel sibolan egsolan te wayeg ipeglinis dan, so yan se ketanem te menge Judiyo. Menge lima lata se awop te teg sebad-sebad kenyan.

Juan 2:6 ပူးပေါင်းရင်းမြစ်များ

Juan 3:25

Doen menge tinoledaan i Juan aw sebad Judiyo migpedindilay tepad te pegpelinis.

Menge Hebreo 9:10

Olò tepad te eg-inangen te otaw se menge punù sìyan, so doen punù tepad te pegkaen, aw peg-inem, aw peglinis te pengkey eden. Keilangan toloen iyan lamig olò te aldaw te peg-inang te Timanem te kaling peokit.

Efeso 5:26

Yan se ininang din amon inangen kidon din ontò egpenimanem. Yan se ininang din, so lininisan kidon den i Cristo pineokit te pegpebonyag tadon diyà te wayeg pineokit te kagi te Timanem.

Menge Hebreo 10:22

Keilangan megpedapag kidon den diyà te Timanem te doen pegkelobos te pedowan tadon somalig diyà kandin. Melinis den se pedowan tadon aw aneng-aneng tadon so iling te winilikan kidon te dipanog aw lininisan kidon te wayeg.

Menge Hebreo 9:19

Gebii, penga te pegtoladà i Moises te kedita te menge punù te Timanem diyà te menge Judiyo, inabat din se dipanog te nati te baka inimetayan din, aw sinengedan din iyan te wayeg. Penga niyan, inagem din se melalag bolbol te ayam-ayam karniro intangen din diyà te panga te kayo hisopo, aw inwilik din iyan diyà te libro sinolatan te menge punù, aw diyà heman te kedita te otaw.

Menge Hebreo 6:2

Ikà niyo eg-anggà-anggà te pegsoblod niyo te kebenalan tepad te pegpebonyag tadon, aw tepad te pegkinawà tadon te Espiritu Santo, aw tepad te peg-antay te Timanem kenitadon lekat te nematay te modi aldaw, aw tepad te peg-okom din aw eden se detengan te otaw te wedad temanan.

Luc. 16:6

Timaba sikandin, ‘Sebad gatos lata se lana.’ Minikagi se sineligan, ‘Seini se papil tapay no pigpirmahan. Penenoo ka den aw solat ka te keliman olò lata. Kegaen ka.’

Juan 2:7

Minikagi si Jesus diyà te menge sineligan, “Ipenoi niyo te wayeg se sibolan.” Yan inipenò dan se enem sibolan taman te sìsì.