Juan 2:22 - Manobo Sarangani

²² Meneng penga te pegkeantay i Jesus lekat te nematay, neeneng-enengan te tinoledaan din se inikagi din sìyan, aw nemenal dan te netoman se kagi te Timanem tapay insolat te meantay sikandin lekat te nematay, aw benal heman se inikagi i Jesus.

Juan 2:22 ပူးပေါင်းရင်းမြစ်များ

Juan 12:16

Pegdateng i Jesus doton te Jerusalem, wedà pa ketaga-taga se menge tinoledaan din te yan se pegketoman te pakang tapay insolat. Meneng penga te pegkeantay din lekat te nematay, aw pegpeengat din doton te langit, mig-aneng-aneng den dan te yan se impakang tepad kandin gebii, aw netoman den iyan.

Juan 16:4

Intoladà ko den kenyo se kedita nini, so aw detengan kaw te pegpemilang, yan meg-aneng-aneng kaw te siak se tapay migtoladà kenyo te metoman iyan domateng diyà kenyo.” “Pegtebò te pegtaking niyo kanak, wedà a pegtoladà kenyo te kedita nini, so migdoma a pa kenyo.

Juan 14:26

Meneng doen Teletabang isogò te Amay ko somelilin kanak, aw yan se Espiritu Santo. Sikandin se megtoladà kenyo te kedita, aw megpeaneng-aneng kenyo te kedita te intoladà ko kenyo.

Juan 2:17

Pegkità te menge tinoledaan din te ininang din, neeneng-enengan dan se kagi insolat kidoen te kagi te Timanem gebii, “E Timanem, ontò meinit se pedowan ko, so ontò meelagà se balay no diyà kanak.”

Ininang 11:16

Yan neeneng-enengan ko se kagi te Pengolo, ‘Kedengan pineokit te wayeg se pegbonyag i Juan. Meneng sebad kemolò se pegbonyag te Timanem kenyo, so te eked kenamay, domateng se Espiritu Santo kenyo.’

Juan 2:11

Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Luc. 24:26

Nepela a so wedà niyo ketegahi te eked lowan se Misiyas singed aw onà sikandin imetayan iling te neinang den seini.”

Juan 2:2

Dimoton heman si Jesus aw menge tinoledaan din, so impeangay dan.

Ininang 13:33

meneng netoman den iyan dini kenitadon, so insogò din den si Jesus. Yan se kedegdagan te kagi te Timanem insolat diyà te Delangan Ikedowa, ‘Sikona se Batà ko, aw ipetaga-taga ko den te siaken se Amay nikaw.’