Juan 2:19 - Manobo Sarangani

¹⁹ Timaba si Jesus, “Aw pegbàtan niyo se balay seini eg-ogpaan te Timanem, penga niyan todà ko iyan ipetindeg dalem te telo se aldaw.”

Juan 2:19 ပူးပေါင်းရင်းမြစ်များ

Mat. 12:40

So netelowan si Jonas doton te getek te dakel ikan gebii, iling heman kenyan, siak Timanem Migpekeotaw se ketelowan doton didalem te tanà.

Mat. 16:21

Lekat niyan, mig-indan si Jesus diyà te menge tinoledaan din aw eden se metoman domateng diyà kandin. Keilangan domoton sikandin te Jerusalem, aw ipeeleg sikandin te menge obanen aw pengolo te simbahan aw menenoladà te punù ingkeliwat i Moises. Metoman sikandin imetayan, aw penga niyan meantay lekat te nematay te iketelo aldaw.

Mat. 27:40

aw minikagi dan, “Minikagi ka te mekebatog ka megbaet te dakel simbahan sida, aw todà no iyan ipetindeg dalem te telo se aldaw. Aw mekebatog ka kenyan, pekitai diyà kenami te doen tolos no pineokit te pegtabang no te kamno pegkeotawun amon eked ka kematay. Aw ontò ka Batà te Timanem, tenà ka den lekat te kros.”

Mat. 27:63

aw minikagi dan, “Sir, doen neeneng-enengan day. Te wedà pa kematay se otaw sìyan migpelingo-lingo Misiyas, minikagi sikandin te meantay lekat te nematay te iketelo te aldaw.

Mar. 14:58

“Dinineg day se inikagi din te mekebatog sikandin megbaet te dakel simbahan sida ininang te otaw, aw ipetindeg din se kaling simbahan eked inangi te otaw dalem te telo se aldaw.”

Mar. 15:29

Migtompuyus kandin se menge otaw minokit diyà te dalan medapag kidoen. Migkiling-kiling dan te olo dan te pegsila dan kandin, aw minikagi dan, “Ehe. Minikagi ka te mekebatog ka megbaet te dakel simbahan sida, aw todà no iyan ipetindeg dalem te telo se aldaw.

Mar. 8:31

Nayan, migtoladà si Jesus diyà te menge tinoledaan din aw eden se metoman domateng diyà kandin Timanem Migpekeotaw. Ontò sikandin elegen, aw kuluwan sikandin te menge obanen te Judiyo aw menge pengolo te simbahan aw menenoladà te punù ingkeliwat i Moises. Metoman sikandin imetayan, meneng penga niyan te telo se aldaw, meantay sikandin lekat te nematay.

Juan 11:25

Minikagi si Jesus, “Siaken se meg-antay te otaw lekat te nematay. Siak se egpemegay te kaling pedowan. Pengkey matay se otaw nemenal kanak, meneng meantay sikandin.

Juan 5:19

Minikagi si Jesus diyà te menge obanen te Judiyo, “Eneng-enengi niyo se kagi ko kenyo. So Batà a te Timanem, wedad palos inangen ko lowà te ibeg te Amay ko. Olò ko inangen se tapay kinità ko eg-inangen te Amay ko. Se inangen din, yan heman se inangen ko,

Ininang 2:24

meneng inantay sikandin te Timanem lekat te nematay. Impelowà din si Jesus diyà te kemetayun, so eked daeg se kemetayun kandin.

Ininang 2:32

Netoman den iyan, so inantay te Timanem si Jesus lekat te nematay, aw kinità te kedita day te neantay sikandin lekat te nematay.

Ininang 3:15

Inimetayan niyo se egpemegay te kaling pedowan lekat te Timanem, meneng inantay sikandin te Timanem lekat te nematay. Benal iyan, so kinità day sikandin neantay.

Ininang 3:26

Sikitadon onà se sinogoan te Timanem ki Jesus amon tebangan kidon aw megselsel kidon te salà.”

Ininang 6:14

Dinineg day sikandin minikagi te meglegobal se tege Nasarit si Jesus te dakel simbahan seini, aw elinen din heman se menge ketanem ingkeliwat i Moises.”

Roma 4:24

so detengan kidon heman. Eneng-enengen heman te Timanem te metòlid se kedita tadon egpemenal te Timanem mig-antay te Pengolo tadon si Jesus lekat te nematay.

Roma 6:4

Pineokit te pegpebonyag tadon, iling te nematay kidon doma kandin, aw iling te inlebeng kidon heman doma kandin. Neinang iyan amon begayan kidon te Timanem te kaling pedowan, iling te peg-antay din ki Cristo lekat te nematay pineokit te tolos din.

Roma 8:11

Timanem se mig-antay ki Cristo lekat te nematay. Yan aw eg-ogpaan kaw te Espiritu Santo, entayen heman te Timanem se lawa niyo lekat te nematay pineokit te Espiritu Santo eg-ogpà kidoen kenyo.

1 Korinto 15:12

Nayan, so migtoladà kay te inantay te Timanem si Cristo lekat te nematay, eked kepakay aw doen kidoen kenyo mikagi te eked palos keantay se otaw nematay.

Kolasas 2:12

Pegpebonyag tadon, iling te inlebeng kidon sipat ki Cristo, aw iling te inantay kidon heman sipat kandin tandà te pegpemenal tadon te ininang te Timanem Amay mig-antay ki Cristo lekat te nematay.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.