Juan 2:11 - Manobo Sarangani

¹¹ Peg-inang i Jesus kenyan kidoen te Kana sakop te probinsya te Galiliya, yan se tagnà kepelahan ininang din amon ipekità din te doen kelangkaw din. Nemenal se menge tinoledaan din kandin.

Juan 2:11 ပူးပေါင်းရင်းမြစ်များ

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Juan 1:43

Keeldawan niyan, migpetagad si Jesus domoton te probinsya te Galiliya. Onà din pinengemahà si Felipe tege Bitsayda. Yan heman se lonsod eg-ogpaan i Andres aw si Pedro. Pegkità i Jesus ki Felipe, minikagi sikandin, “Taking ka kanak.”

Juan 1:50

Minikagi si Jesus, “Nemenal ka den so minikagi a olò te kinità ta kidoen te kayo igira. Meneng komità ka kwani te inang ko labi pa metolos kani.”

Juan 10:41

Medita se otaw dimoton kandin, so minikagi dan, “Pengkey wedad kepelahan ininang i Juan Memonyagay, meneng benal se kedita te inikagi din tepad ki Jesus.”

Juan 11:15

Mèpiya so wedad a kidoen te pegkematay din, so ketebangan kaw den amon lobosen se pegpemenal niyo kanak. Nayan, domoton kidon kandin.”

Juan 11:47

Pegdineg te menge pengolo te simbahan aw Parisiyo, migtipon dan te kedita te doma dan obanen te simbahan, aw minikagi dan, “Megmeno kidon? So medita se kepelahan eg-inangen te otaw sìyan.

Juan 12:18

aw yan se doun te medita se otaw simongon ki Jesus te pegdateng din doton te Jerusalem, so dinineg dan tepad te kepelahan ininang din.

Juan 12:37

Pengkey kimità dan te ontò medita kepelahan ininang din, meneng wedà dan pa pemenal kandin.

Juan 12:41

Yan se inikagi i Isaias gebii, so tapay din netegahan te melangkaw se isogò te Timanem, aw yan se intoladà din.

Juan 14:13

Pengkey eden se pemoyoen niyo diyà te Amay ko pineokit te ngadan ko, yan se inangen ko kenyo, amon kitaen niyo te melangkaw se Timanem pineokit te eg-inangen ko.

Juan 16:27

so dakel se pedowan din kenyo. Dakel se pedowan te Amay ko kenyo, so dakel se pedowan niyo kanak, aw nemenal kaw te insogò a te Amay ko.

Juan 16:30

Netegahan day den te netaga-taga ka te kedita, aw wedad keilangan te meg-insà kay kamno. Yan se doun te nemenal kay den te insogò ka te Timanem.”

Juan 2:1

Te iketelo te aldaw, doen peipid kidoen te Kana sakop te probinsya te Galiliya. Timanod se inay i Jesus te peipid.

Juan 2:23

Peg-ogpà i Jesus doton te Jerusalem dalem te Pista te Pegpelowà, medita se otaw nemenal kandin, so kinità dan se menge kepelahan ininang din.

Juan 3:2

Dimoton sikandin ki Jesus te delem, aw minikagi, “Sir, netegahan day den te insogò ka te Timanem amon megtoladà kenami, so wedad otaw mekebatog meg-inang te kepelahan iling te ininang no den singed aw doen tolos ibegay te Timanem kandin.”

Juan 4:3

Pegdineg i Jesus kenyan, nesayo sikandin lekat te probinsya te Judiya aw dimoton te probinsya te Galiliya.

Juan 4:46

Limikò si Jesus doton te lonsod te Kana sakop te Galiliya. Yan se lonsod ininangan din te kepelahan, so binaloy din bino se wayeg kidoen. Doton te doma lonsod te Kapirnaom, doen sebad opisyal te gobirno te Roma, aw nesekitan se batà din.

Juan 4:54

Yan se ikedowa kepelahan ininang i Jesus. Ininang din iyan kidoen te probinsya te Galiliya te pegdateng din lekat te probinsya te Judiya.

Juan 5:23

so ibeg din segmanen a heman te kedita te otaw, onawa te pegsagman dan kandin. Aw eked pegsagman se otaw kanak, yan se pengilala te kenà heman sikandin egsagman te Amay ko simogò kanak.

Juan 6:14

Pegkità te menge otaw te kepelahan ininang i Jesus, minikagi dan, “Sikandin se ontò benal telekeliwat te kagi te Timanem insogò din dini te keneyonan.”

Juan 6:2

Ontò medita se otaw timaking kandin, so kinità dan se kepelahan ininang din te pegpegolì din te menge otaw doen mesakit.

Juan 6:26

Timaba si Jesus, “Eneng-enengi niyo se kagi ko kenyo. Nengemahà kaw kanak kenà so nemenal kaw pineokit te kepelahan impekità ko kenyo, meneng nengemahà kaw kanak so nebesog kaw te pan impekaen ko kenyo gebenini.

Juan 6:30

Mig-insà dan heman, “Eden lay se pengilala ipekità no kenami amon memenal kay kamno? Eden lay se inangen no kenami?

Juan 7:31

Meneng medita se doma otaw nemenal te sikandin se insogò te Timanem. Minikagi dan, “Aw domateng se Misiyas megpelowà kenitadon, wedad kepelahan inangen din labi pa mèpiya diyà te eg-inangen te otaw seini.”

Juan 9:16

Penga niyan, doen menge Parisiyo minikagi tepad ki Jesus, “Kenà sikandin insogò te Timanem, so eglàpang sikandin te punù tepad te aldaw te peg-etod.” Meneng doen menge doma otaw minikagi, “Simpana sikandin se metilàpang te punù, eked sikandin pekebatog meg-inang te menge kepelahan iling kani.” Yan migpedindilay dan.

2 Korinto 3:18

Wedad den belabag diyà te kedita tadon nemenal ki Cristo. Aw gayed tadon keleseban se kelangkaw te Pengolo, gayed heman elinen te Timanem se pegkesawol tadon, amon kitaen te doma otaw se kelangkaw te Pengolo diyà kenitadon. Yan se eg-inangen te Pengolo, sìyan Espiritu Santo, amon labi kidon pa megkelangkaw iling kandin.

2 Korinto 4:17

Pegpemilang kanak, aneng-aneng ko meketayod a, so doen temanan niyan. Aw meketayod a te pegpemilang kanak, ontò mèpiya se ibegay te Timanem kanak doton te langit. Ontò mèpiya se ontong wedad temanan.

2 Korinto 4:6

Peg-inang te Timanem te keneyonan, mengitngit aw penga niyan ininang din se kelowahan. Iling kenyan se ininang din kanak, so kedengan, iling te doen kengitngit diyà te pedowan ko, so wedà a kilala ki Jesu Cristo. Meneng linowa din den se pedowan ko amon ipekità din kanak se kelangkaw te Timanem diyà te bawa i Cristo.

1 Juan 5:13

Sinolatan ko sikiyo nemenal den diyà te Batà te Timanem amon ontò niyo ketegahan te doen den kaling pedowan niyo wedad temanan.