Juan 19:4 - Manobo Sarangani

⁴ Todà limowà si Pilato te balay, aw minikagi diyà te menge otaw netipon, “Na, ipelowà ko den sikandin dini kenyo amon ketegahan niyo te wedad palos salà din kinità ko.”

Juan 19:4 ပူးပေါင်းရင်းမြစ်များ

Mat. 27:19

Dalem te pegpenenoo i Pilato doton te oseyanan, doen otaw insogò te esawa din amon ikeliwat se kagi din, “Ikà eg-inabut te otaw sìyan, so wedad salà din. Ontò nelemitan se pedowan ko tepad kandin pineokit te tegeinep tidelem.”

Mat. 27:24

Nayan, netegahan den i Pilato te eked sikandin penalo diyà kandan, aw agpet den dan megsamok. Yan se doun te inabat din se wayeg aw mig-onaw te belad din dalem te pegtengteng dan diyà kandin. Minikagi sikandin, “Pineokit te peg-onaw ko te belad, impetaga-taga ko den kenyo te wedad labut ko aw imetayan niyo se otaw seini. Meneng aw yan se inangen niyo diyà kandin, inday den kenyo.”

Mat. 27:4

aw minikagi sikandin diyà kandan, “Doen salà ininang ko, so migtolok a te otaw wedad palos salà din aw imetayan den sikandin.” Meneng minikagi dan, “Wedad labut day te salà nikaw. Inday den kamno.”

Mat. 27:54

Na, se menge sondalo aw kapitan migtonggò ki Jesus, nelemitan dan te pegkayong te linog, aw pegkekità dan te kepelahan neinang te pegkematay i Jesus. Minikagi dan heman, “Ontò Batà te Timanem se otaw sìyan.”

Luc. 23:4

Minikagi si Pilato diyà te menge pengolo te simbahan aw doma otaw netipon kidoen, “Wedad palos salà te otaw seini kinità ko.”

Luc. 23:41

Keilangan ipelumun ki den, so yan se detengan te medaet ininang ta. Meneng wedad palos medaet ininang te doma ta seini.”

Luc. 23:47

Kinità te kapitan te sondalo se kepelahan neinang te pegkematay i Jesus, aw dimuyun sikandin te Timanem, kagi din, “Ontò mèpiya se otaw sìyan.”

Juan 18:33

Minawop si Pilato te balay din. Impeangay din heman si Jesus aw mig-insà, “Sikona lay se Selotan te menge Judiyo?”

Juan 18:38

Minikagi si Pilato, “Wedad palos otaw metaga-taga aw eden se ontò kebenalan.” Nayan, penga te peg-ikagi i Pilato kenyan, todà limowà diyà te balay din, aw minikagi diyà te menge obanen te Judiyo netipon kidoen, “Wedad palos salà din kinità ko.

Juan 19:6

Meneng se menge pengolo te simbahan aw otaw egtonggò te simbahan, pegkità dan ki Jesus, migbelobansag dan, “Imetayi sikandin. Lensangi diyà te kros.” Minikagi si Pilato, “Sikiyo se mengibing kandin aw meglansang kandin diyà te kros amon matay, so se kenaken, kinità ko te wedad salà din.”

2 Korinto 5:21

Pengkey wedad salà i Cristo, meneng impelumun sikandin te Timanem tandà te salà tadon, amon eneng-enengen te Timanem te metòlid kidon pineokit te pegpesakop tadon diyà ki Cristo.

Menge Hebreo 7:26

Yan si Jesus se Telekagon neketepad kenitadon. Ontò sikandin metòlid. Wedad palos salà din so wedad medaet ininang din. Kenà sikandin iling te otaw egpekesalà. Ininang sikandin te Timanem ontò melangkaw diyà te kedita, pengkey doton te langit.

1 Pedro 1:19

Meneng impelowà kaw din so nematay se meelagà Batà din si Cristo. Iling sikandin te karniro ontò mèpiya aw wedad kolang eg-imetayan aw ipegpemegay diyà te Timanem.

1 Pedro 2:22

Wedad palos salà ininang din. Wedà sikandin palos pegkebolalaw.

1 Pedro 3:18

so nematay heman si Cristo amon megpelowà kenitadon lekat te salà. Mekesebad sikandin kematay so botong se pegkematay din. Pengkey wedad salà din, meneng simelilin sikandin kenitadon pengkey doen salà tadon amon megkità kidon aw Timanem. Pengkey nematay se lawa din, meneng neantay sikandin.

1 Juan 3:5

Netegahan niyo den te migpekeotaw si Jesu Cristo amon pegwedaden te Timanem se menge salà te otaw. Wedad palos salà i Jesu Cristo,