Juan 19:39 - Manobo Sarangani

³⁹ Doen heman timaking kandin si Nicodemo. Sikandin se dimoton ki Jesus kedengan te delem. Inibing din heman se menge keliman kilo bebolong metinadeg iningedanan mira aw alos pigsanged.

Juan 19:39 ပူးပေါင်းရင်းမြစ်များ

Juan 12:7

Minikagi si Jesus, “Pebeyai sikandin. Yan se ininang din amon ipetagad a din te peglebeng kanak.

Mar. 16:1

Nayan, penga te aldaw te peg-etod, migpedomà-domaay si Maria tege Magdala, aw kesangay din si Maria inay i Santiago, aw si Salome. Minayad dan te metinadeg amon doen itoyong dan diyà te lawa i Jesus.

Mat. 19:30

Meneng medita se otaw melangkaw songkani meinang ontò medanà doton te peglowan te Timanem. Medita heman se otaw medanà songkani, meneng meinang dan kwani melangkaw.”

Mat. 12:20

Inangen din magsen se melomì tigbaw, aw ontò din ipelegdeg se solò kenà melowa lamig domateng se aldaw dàgen din se kedita te kededàtan.

Genesis 50:2

Penga niyan, migpunù si Jose te ipebalsamar te otaw biyasa se lawa te amay din.

Mat. 2:11

Peg-awop dan kidoen te balay, kinità dan se batà aw inay din si Maria. Limongken dan aw migsimba dan te batà. Penga niyan, inokal dan se kekanà inibing dan, menge bolawan, aw metinadeg sonogen, aw bebolong te saka iningedanan mira. Tinigkan dan iyan imbowang diyà ki Jesus.

Juan 12:3

Si Maria, sìyan adi i Lazaro, inibing din se sebad sopa te lana metinadeg iningedanan nardo ontò meelagà. Yan se intoyong din diyà te benis i Jesus, aw logay din se inggalis din te benis i Jesus. Nelegeb se kedakel te balay te nadeg niyan.