Juan 19:28 - Manobo Sarangani

²⁸ Penga niyan, netegahan i Jesus te nepenga din den se kedita te insogò te Amay din kandin, aw minikagi, “Nelao a.” Pineokit kenyan, netoman se pakang tepad kandin tapay insolat diyà te kagi te Timanem.

Juan 19:28 ပူးပေါင်းရင်းမြစ်များ

Luc. 12:50

Meneng keilangan onà a kelimahan. Ontò melima se pegtagad ko kenyan. Ibeg ko peden mepenga den.

Luc. 18:31

Nayan, migtipon si Jesus te sìyan sempolò teg dowa tinoledaan din, aw minikagi sikandin, “Na, domoton kidon den te Jerusalem amon metoman se kedita te pakang insolat te menge telekeliwat te kagi te Timanem tepad kanak Timanem Migpekeotaw.

Luc. 22:37

Metoman den se kagi te Timanem insolat tepad kanak, ‘Ipelumun sikandin iling te otaw dakel se salà.’ Agpet a den imetayan, so yan se insolat tepad kanak.”

Luc. 9:31

Pegpekità dan, minanyag dan heman. Migpebelaw-belaway se telo dan tepad te pegkematay i Jesus, so yan se tomanen din te eked kenamay doton te Jerusalem.

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 17:4

Impekità ko den dini te keneyonan te melangkaw ka, so tinoman ko den se kedita te impunù no kanak.

Juan 18:4

Nayan, tapay netaga-taga si Jesus aw eden se domateng kandin. Yan pegdateng te menge otaw timaking ki Judas, simongon si Jesus kandan aw mig-insà, “Sinu lay se inahà niyo?”

Juan 19:24

Yan se doun te minikagi dan, “Mèpiya aw eked tadon lisii se saol din. Meneng labi pa mèpiya aw megbonot kidon aw sinu se mekeabat kenyan.” Pegbonot dan kenyan, yan netoman se pakang insolat diyà te kagi te Timanem, “Megtalad-talad dan te penenaktun ko, aw megbonot dan heman tepad te saol ko.”

Juan 19:30

Penga te pegsopsop din, minikagi, “Nepenga den.” Penga niyan, timikelong sikandin aw nematay.

Juan 19:36

Peg-inang te menge sondalo kenyan, netoman se pakang tapay insolat diyà te kagi te Timanem, “Wedad palos tòlan din pentigen.”

Juan 4:34

Minikagi si Jesus, “Iling te kànen ko se pegtoman ko te ibeg te simogò kanak aw peg-epos ko te sogò din kanak.

Ininang 13:29

Yan netoman se kedita te kagi te Timanem tapay insolat. Penga niyan, inabat dan se lawa din lekat te kros aw inlebeng dan iyan doton te ilib.