Juan 19:20 - Manobo Sarangani

²⁰ Medita se Judiyo migbasa kenyan, so medapag kidoen se lonsod te Jerusalem. Insolat iyan te telo kemolò te kagi, Hebreo, aw Latin, aw Griego.

Juan 19:20 ပူးပေါင်းရင်းမြစ်များ

Ininang 26:14

Pegkelangkeb day diyà te tanà, doen dinineg ko minikagi te kagi te Hebreo, ‘E Saulo, nengà lay egpemilang ka kanak? So sikona olò se elegen te ininang nikaw.’

Ininang 22:2

Pegdineg dan te peg-ikagi din te kagi te Hebreo, ontò dan nenenalan. Yan minikagi si Pablo,

Ininang 21:40

Neibeg se kapitan, aw yan timindeg si Pablo doton te lelebangan. Intakyaw din se belad amon ketegahan dan te doen ikegiyen din kandan. Pegkepenek dan, minikagi si Pablo te kagi te Hebreo, so yan se kagi te menge Judiyo.

Ininang 21:37

Sagwa agpet den dan mawop doton didalem te kotà, minikagi si Pablo diyà te kapitan te doen ikegiyen din kandin aw mepakay. Nepela se kapitan, aw yan minikagi sikandin, “Biyasa ka kedì te kagi te Griego.

Juan 19:13

Pegdineg i Pilato te kagi dan, inibing din si Jesus doton te lowà te balay, aw nenenoo kidoen te oseyanan iningedanan Gabata te otaw eg-ikagi te Hebreo, meneng se kelebadan niyan, “Tindeganan Bato.”

Juan 5:2

Doen lanaw kidoen te Jerusalem doton dapag te lelebangan te kotà nekelibed te lonsod, sìyan iningedanan Lelebangan te Karniro. Iningedanan se lanaw Bitsata te menge otaw eg-ikagi te Hebreo, aw doen lima elonganan kidoen te kilid niyan.

Impekità 9:11

Doen selotan te dolon nengibing kandan. Sikandin se anghil i Satanas aw pengolo te kedita dan kidoen te awang te tanà wedad temanan te kedalem. Ngadan din diyà te kagi te Hebreo si Abbadon. Ngadan din diyà te kagi te Griego si Apolyon. (Se kelebadan niyan, “Metibaet.”)

Menge Hebreo 13:12

Iling heman kenyan se neinang diyà ki Jesus, so inimetayan heman sikandin doton te lowà te lonsod, aw dipanog din se inlinis te salà te otaw.

Luc. 23:38

Doen heman solat insawol doton diatas te olo din, kagi niyan, “Seini se Selotan te menge Judiyo.”

Juan 19:42

Yan se linebengan dan te lawa din, so medapag, aw agpet den somallep se aldaw, aw keeldawan niyan se aldaw te peg-etod.