Juan 19:11 - Manobo Sarangani

¹¹ Minikagi si Jesus, “Simpana wedà ka pelowani te Timanem, eked ka pekelowan diyà kanak seini. Yan se doun te labi pa mebegat se salà te otaw migpeibing kanak dini kamno.”

Juan 19:11 ပူးပေါင်းရင်းမြစ်များ

Mat. 26:65

Penga niyan, miglisì se ontò pengolo te simbahan te saol din tandà te keopal din, aw minikagi sikandin, “Migtompuyus sikandin te Timanem, so migpelingo-lingo sikandin Batà te Timanem. Wedad den kekemowan te peg-indan te doma otaw diyà kenitadon tepad kandin, so dinineg tadon den se pegtompuyus din te Timanem.

Mat. 27:2

Penga niyan, ginapos dan si Jesus, aw inibing dan sikandin doton te gobirnador si Pilato.

Mat. 6:13

Ikà egpeokit kenami diyà te peg-akal, meneng pekediyoi kay diyà ki Satanas.’

Mar. 14:44

Tapay dan netegahan aw eden se inangen i Judas, so minikagi sikandin, “Se otaw edekan ko, yan se otaw inahà niyo. Dekepi niyo sikandin aw bentayi niyo sikandin te pegpengibing niyo kandin doton te otaw meg-osay kandin.”

Luc. 22:53

Gayed a migtoladà kidoen te dakel simbahan, meneng wedà a niyo dekepi doton. Meneng mekedakep kaw den kanak, so seini se aldaw pinemallì te Timanem aw meg-inang si Satanas te medaet.”

Juan 18:13

Inibing dan onà doton ki Anas, so si Anas se ogangan i Caifas ininang ontò pengolo te simbahan dalem te omay sìyan.

Juan 18:3

Nayan, minangay si Judas te menge sondalo aw menge otaw egtonggò te simbahan insogò te menge pengolo te simbahan aw Parisiyo, aw timaking dan kandin doton te kekeyowan. Nengibing dan te menge solò, aw gansà, aw kekamang dan.

Juan 19:10

Nepela si Pilato, aw minikagi, “Mèpiya aw tomaba ka, so netegahan no te siak se mepakay somogò aw ipelowà ka aw ipelansang ka diyà te kros amon imetayan.”

Juan 3:27

Minikagi si Juan, “Wedad mebatog te otaw singed aw isogò sikandin te Timanem.

Juan 7:30

Peg-ikagi din kenyan, doen menge otaw meibeg megdakep kandin, meneng wedà dan deleg, so wedà pa dateng se aldaw pinemallì te Timanem te pegdakep kandin.

Juan 9:41

Timaba si Jesus, “Aw iling kaw te otaw bota so wedà kaw kità te kebenalan, mepakay aw megselsel kaw amon pegwedaden te Timanem se salà niyo. Meneng so migpelingo-lingo kaw te ontò kaw kimità te kebenalan, yan doen pa salà niyo.”

Ininang 2:23

Pengkey tapay netegahan te Timanem aw eden se inangen niyo ki Jesus, meneng lekat te ibeg te Timanem se pegdakep niyo ki Jesus. Impelansang niyo sikandin te medaet otaw diyà te kros aw impeimatay niyo,

Ininang 3:13

Timanem se egseligan te kemonaan tadon si Abraham, si Isaac, aw si Jacob. Timanem se migpegolì kandin amon iduyun se Batà te Timanem si Jesus. Kedengan insogò din si Jesus dini te tanà, meneng sikiyo se otaw nemegay kandin diyà te belad te gobirno. Pengkey ibeg i Pilato ipelowà din si Jesus, meneng simagda kaw kandin amon imetayan se insogò te Timanem.

Ininang 4:28

Pengkey inimetayan dan sikandin, meneng se pegketoman niyan, yan se tapay lekat te kamno ibeg.

Roma 11:36

Sikandin se mig-inang te kedita, aw pineokit te tolos din, egbayà-bayà sikandin te kedita te ininang din. Iduyun heman sikandin pineokit te kedita niyan. Iduyun sikandin te wedad temanan. Metoman iyan.

Roma 13:1

Keilangan tomolò se kedita te otaw te menge opisyal te gobirno, so wedad otaw meinang pengolo singed aw inangen sikandin te Timanem pengolo. Ininang te Timanem pengolo se kedita dan.

Santiago 1:17

Mèpiya se kedita te ipegbowang te Timanem, aw wedad kolang niyan. Yan se ipegpemegay te Timanem mig-inang te aldaw aw bolan aw menge bitoen. Pengkey egkealin-alin se bawa te aldaw aw bolan aw bitoen, meneng eked kealin-alin se Timanem, so gayed sikandin egpemegay te mèpiya.

Santiago 4:17

Netegahan niyo den besi se kebenalan seini. Se otaw netaga-taga aw eden se mèpiya inangen din, meneng wedà din iyan inangi, yan se otaw doen salà diyà te Timanem.