Juan 18:8 - Manobo Sarangani

⁸ Minikagi si Jesus, “Tapay a minikagi diyà kenyo te siak se inahà niyo. Na, aw benal siak se inahà niyo, pebeyai niyo se menge doma ko seini.”

Juan 18:8 ပူးပေါင်းရင်းမြစ်များ

1 Pedro 5:7

Pengkey eden se ketetana niyo, salig kaw gayed diyà kandin, so sikandin se eg-ipat kenyo.

Efeso 5:25

Sikiyo menge meama doen esawa, keilangan dakel se pedowan niyo te esawa niyo, aw yan meg-iling kaw ki Cristo. Dakel se pedowan i Cristo diyà te kedita tadon egpemenal, aw yan se doun te simelilin sikandin kenitadon aw nematay amon megpelowà kenitadon.

2 Korinto 12:9

Meneng wedà din ebati. Timaba sikandin kanak, kagi din, “Pengkey eden se keokitan no, ontò botong se tabang ko kamno, so aw megkelomay ka, yan ontò ko ipekità te metolos a.” Yan se kagi din kanak. Yan gayed a den egkeluba te doen kelomay ko amon ketegahan te menge doma otaw te doen eneg imbegay i Cristo diyà kanak.

1 Korinto 10:13

Se tandà neokitan niyo, onawa iyan te tandà egkeokitan te menge doma otaw. Meneng egkeseligan se Timanem, so eked kaw din peokiti te tandà i Satanas eked niyo kebatog. Aw tendaen kaw, doen dalan inangen te Timanem amon mekelowà kaw, aw begayan kaw din heman te eneg amon meketayod kaw kenyan.

Juan 16:32

meneng doen pa aldaw agpet domateng te mebilit kaw. Dimateng den se aldaw te megsiolì se kedita niyo, so tenanan a niyo sebad ko. Meneng doen pa doma ko, so domaan a te Amay ko.

Juan 13:36

Mig-insà si Pedro, “Pengolo, kenan ka lay doton?” Timaba si Jesus, “Eked ka pa pekedoma kanak doton te dotonan ko. Meneng tomelokon ka kanak te modi aldaw.”

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 10:28

Egpemegay a kandan te kaling pedowan wedad temanan, aw eked dan detengi te kemetayun. Wedad palos mekeagaw kandan diyà kanak.

Mat. 26:56

Meneng neinang se kedita nini amon metoman se insolat te menge telekeliwat te kagi te Timanem gebii tepad kanak.” Penga niyan, kimadas se kedita te tinoledaan i Jesus, aw tinenanan dan sikandin.

Juan 18:7

Todà mig-insà si Jesus, “Sinu lay se inahà niyo?” Timaba dan, “Si Jesus tege Nasarit.”

Juan 18:9

Pineokit te inikagi din sìyan, netoman se kagi tapay intawal-tawal din, te eked kebàti se otaw insalig te Timanem diyà kandin.