Juan 18:4 - Manobo Sarangani

⁴ Nayan, tapay netaga-taga si Jesus aw eden se domateng kandin. Yan pegdateng te menge otaw timaking ki Judas, simongon si Jesus kandan aw mig-insà, “Sinu lay se inahà niyo?”

Juan 18:4 ပူးပေါင်းရင်းမြစ်များ

Juan 13:1

Te wedà pa dateng se aldaw te Pista te Pegpelowà, tapay netegahan i Jesus te agpet den se pegkesayo din lekat te keneyonan amon molì doton te Amay din. Gayed dakel se pedowan din diyà te menge tinoledaan din dini te keneyonan, aw nedekelan din dan te pedowan lamig te pegkematay din.

Juan 18:7

Todà mig-insà si Jesus, “Sinu lay se inahà niyo?” Timaba dan, “Si Jesus tege Nasarit.”

Ininang 2:28

Entayen a din lekat te nematay. Ontò neluba se pedowan ko so egdomaan a din.’ Yan se kagi ingkeliwat i David.

Juan 19:28

Penga niyan, netegahan i Jesus te nepenga din den se kedita te insogò te Amay din kandin, aw minikagi, “Nelao a.” Pineokit kenyan, netoman se pakang tepad kandin tapay insolat diyà te kagi te Timanem.

Juan 13:11

Netegahan i Jesus aw sinu se megtolok kandin, aw yan se doun te peg-ikagi din te kenà melinis se kedita dan.

Juan 6:64

Doen dini kenyo eked pemenal kanak.” Yan se inikagi i Jesus so tapay din netegahan aw sinu se otaw eked pemenal, aw netegahan din heman aw sinu se otaw megtolok kandin.

Luc. 24:44

Penga niyan, minikagi si Jesus, “Pegdoma ko kenyo kedengan te wedà a pa kematay, seini se inikagi ko diyà kenyo, te keilangan metoman se kedita te kagi insolat tepad kanak kidoen te punù ingkeliwat i Moises, aw insolat te menge telekeliwat te kagi te Timanem, aw kidoen heman te libro te Delangan.”

Mat. 26:31

Penga niyan, minikagi si Jesus diyà te menge tinoledaan din, “Kwani seini, tomanan se kedita niyo kanak tandà te kelimahan domateng diyà kanak, so doen kagi te Timanem insolat gebii, ‘Ipeimatay ko se otaw egtonggò te ayam-ayam karniro, aw mebilit se kedita te karniro tinonggoan din.’

Mat. 26:21

Dalem te pegpengaen dan, minikagi si Jesus, “Eneng-enengi niyo se kagi ko seini. Doen sebad kenyo megtolok kanak.”

Mat. 26:2

“Netegahan niyo den besi te dowa mendad se aldaw te pegdateng te Pista te Pegpelowà, aw metoman a ibegay diyà te belad te otaw meglansang kanak Timanem Migpekeotaw diyà te kros.”

Mat. 16:21

Lekat niyan, mig-indan si Jesus diyà te menge tinoledaan din aw eden se metoman domateng diyà kandin. Keilangan domoton sikandin te Jerusalem, aw ipeeleg sikandin te menge obanen aw pengolo te simbahan aw menenoladà te punù ingkeliwat i Moises. Metoman sikandin imetayan, aw penga niyan meantay lekat te nematay te iketelo aldaw.

1 Pedro 4:1

Timayod si Cristo te kelimahan te pegdini din te lanto te tanà. Yan aw detengan kaw te kelimahan, keilangan meg-aneng-aneng kaw tepad te pegtayod din te kelimahan. Aw meketayod se otaw te kelimahan, yan se pengilala te kimulu den sikandin meg-inang te salà,

Juan 18:5

Timaba dan, “Si Jesus tege Nasarit.” Minikagi si Jesus, “Siak se inahà niyo.” Kidoen heman doma te menge sondalo se migtolok ki Jesus si Judas.