Juan 18:37 - Manobo Sarangani

³⁷ Minikagi si Pilato, “Ontò ka kedì selotan.” Minikagi si Jesus, “Ee. Benal se inikagi no te selotan a, so yan se doun te migpekeotaw a. Insogò a dini te keneyonan amon meg-indan a te kebenalan. Egpenenelanen a te kedita te otaw migpesakop diyà te kebenalan.”

Juan 18:37 ပူးပေါင်းရင်းမြစ်များ

Mat. 26:64

Minikagi si Jesus, “Benal se inikagi nikaw. Mikagi a den kani diyà kenyo. Te eked kenamay, komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mat. 27:11

Nayan, pegpengibing dan ki Jesus doton te gobirnador, mig-insà se gobirnador, “Sikona lay se Selotan te menge Judiyo?” Minikagi si Jesus, “Ee. Benal se kagi nikaw.”

Mar. 14:62

Minikagi si Jesus, “Benal iyan. Komità kaw kanak Timanem Migpekeotaw egpenenoo kidoen te tangkil te Amay ko metolos amon lomowan a doma din. Lomikò a heman dini lekat te langit tekingan te labon.”

Mar. 15:2

Pegdateng dan doton, mig-insà si Pilato ki Jesus, kagi din, “Sikona lay se Selotan te menge Judiyo?” Timaba si Jesus, “Ee. Benal se kagi nikaw.”

Luc. 22:70

Mig-insà se kedita dan, “Aw iling kenyan, Batà ka kedì te Timanem?” Timaba sikandin, “Benal se inikagi niyo te Batà a te Timanem.”

Luc. 23:3

Mig-insà si Pilato diyà kandin, “Sikona lay se Selotan te menge Judiyo?” Timaba si Jesus, “Ee. Benal se kagi nikaw.”

Juan 1:14

Migpekeotaw sikandin iningedanan Kagi te Timanem, aw mig-ogpà sikandin doma kenami. Kinità day se kelangkaw din. Ontò sikandin melangkaw so sikandin se temisa Batà te Amay din. Ontò sikandin egpenabang, aw ontò benal se kagi din.

Juan 1:17

Nemegay se Timanem kenitadon te punù din pineokit ki Moises. Meneng pineokit ki Jesu Cristo, nemegay se Timanem kenitadon te tabang din aw kebenalan.

Juan 14:6

Minikagi si Jesus, “Siak se dalan. Siak se kebenalan. Siak se eglekatan te kaling pedowan. Eked pekedoton se otaw te Amay ko singed aw onà dan mokit kanak.

Juan 3:32

Eg-indan sikandin te benal kinità din aw dinineg din kidoen te langit, meneng pilabok se egpenenalan te kagi din.

Juan 7:17

Aw meibeg se otaw tomolò te ibeg te Timanem kandin, yan se otaw metaga-taga aw kenan lekat se kebenalan ipegtoladà ko, aw lekat iyan te Timanem aw tinebok ko.

Juan 8:14

Timaba si Jesus, “Pengkey olò sebad ko se mig-indan tepad kanak, meneng benal se inikagi ko, so netegahan ko aw kenan a lekat, aw netegahan ko heman aw kenan a pesalo. Meneng sikiyo, wedà kaw ketaga-taga aw kenan a lekat aw kenan a pesalo.

Juan 8:45

Meneng ontò benal se kagi ko kenyo, aw yan se doun te eked a niyo pemenali.

Juan 8:46

Wedad sebad kenyo mekeindan te benal doen salà ininang ko. Olò kebenalan se intoladà ko, meneng wedà kaw pemenal kanak.

Juan 8:47

Egpenenalan se menge batà te Timanem diyà te kagi te Timanem. Meneng kenà kaw batà te Timanem, aw yan se doun te eked kaw penenalan.”

1 Timoteo 6:13

Doen pa ipunù ko kamno te egtengtengen ki te Timanem meg-antay te kedita lekat te nematay, aw egtengtengen ki i Jesu Cristo mig-indan ki Poncio Pilato te kebenalan.

1 Pedro 1:22

So nenenalan kaw den te kebenalan tepad ki Cristo, lininisan kaw den lekat te salà, aw ontò kaw den egpedekelay te pedowan. Meneng ibeg ko, labi kaw pa megpedekelay te pedowan.

1 Juan 2:21

Simolat a kenyo kenà so wedà kaw ketaga-taga te kebenalan, meneng simolat a kenyo amon megpeaneng-aneng a kenyo te kebenalan tapay niyo netegahan. Netegahan niyo den heman te wedad kebolalaw eglekat te kebenalan.

1 Juan 3:14

Impelowà kidon den lekat te kemetayun wedad temanan, aw binegayan kidon den heman te kaling pedowan wedad temanan. Netegahan tadon te benal iyan so dakel se pedowan tadon te menge doma otaw. Meneng eg-ogpà pa diyà te kemetayun se otaw wedad kedakel te pedowan din te doma,

1 Juan 3:19

Aw megtabang kidon te doma otaw, yan ketegahan tadon te ontò kidon diyà te kebenalan, aw mekesinalay kidon heman te pedowan tadon egkitaen din.

1 Juan 4:6

Meneng diyà kidon den te Timanem, aw yan se doun te egpenenelanen te kedita te otaw egtaking te Timanem se ipegtoladà tadon. Meneng kenà kidon egpenenelanen te otaw kenà egtaking te Timanem. Yan se pengilala amon ketegahan tadon aw sinu se egtaking te kebenalan aw sinu se egtaking te kebolalaw.

1 Juan 5:20

Netegahan tadon heman te dimini se Batà te Timanem te keneyonan amon ketegahan tadon se benal Timanem. Sikitadon diyà te benal Timanem so diyà kidon te Batà din si Jesu Cristo. Sikandin se benal Timanem, aw sikandin se eglekatan te kaling pedowan wedad temanan.

Impekità 1:4

Siak si Juan se simolat kani diyà te kedita niyo menge sakop te pito simbahan kidoen te probinsya te Asya. Ibeg ko tebangan kaw aw begayan kaw heman te kelinaw te pedowan lekat te Timanem, aw Espiritu Santo, aw si Jesu Cristo. Gayed doen Timanem pengkey seini, aw gebii, aw modi heman aldaw. Se Espiritu Santo insogò lekat te langit, gayed din ipegpetaga-taga te metolos sikandin pineokit te pito keokit. Keseligan se kagi i Jesu Cristo. Sikandin se tagnà neantay lekat te nematay amon mengolo diyà te kedita te otaw meantay lekat te nematay. Sikandin se eglowan diyà te kedita te selotan dini te keneyonan. Dakel se pedowan din kenitadon, aw yan impelowà kidon din lekat te salà tadon pineokit te dipanog din te pegkematay din doton te kros.

Impekità 3:14

Minikagi heman sikandin, “Solat ka heman te anghil egtonggò te menge sakop te simbahan kidoen te Layodisiya. Seini se kagi isolat nikaw. ‘Seini se kagi ko kenyo. Siak se ontò egkeseligan. Ontò benal se ipegtoladà ko. Siak se pengolo te kedita te ininang te Timanem.